રાહુલ ગાંધીએ ચીન મુદ્દે ફરીથી પીએમ મોદી પર નિશાન સાધ્યું છે. રાહુલ ગાંધીએ એક ટ્વિટ કર્યું છે જેમા લખ્યું છે કે Mr 56 ચીનથી ડરે છે.
રાહુલ ગાંધીએ ફરીવાર પીએમ મોદી પર કર્યો હુમલો
ચીન મુદ્દા પર સતત હુમલાવર રહ્યા છે રાહુલ ગાંધી
રાહુલ ગાંધીએ ટ્વિટ કરીને દાવો કર્યો કે ચીન રાત્રે યુદ્ધ અભ્યાસ કરી રહ્યું
રાહુલ ગાંધીએ ફરીવાર પીએમ મોદી પર કર્યો હુમલો
કોંગ્રેસનાં પૂર્વ અધ્યક્ષ અને સાંસદ રાહુલ ગાંધીએ ચીન મુદ્દે ફરીથી પીએમ મોદી પર નિશાન સાધ્યું છે. રાહુલ ગાંધીએ એક વીડિયો શેર કર્યો છે જેમા લખ્યું છે કે Mr 56 ચીનથી ડરે છે. નોંધનીય છે કે આ વીડિયોમાં ભારત અને ચીન વચ્ચે થયેલ સીમા વિવાદનાં સમાચારો બતાવવામાં આવ્યા છે. આ સમાચારોનો સહારો લઈને રાહુલ ગાંધીએ પીએમ મોદી પર હુમલો કર્યો છે.
આ પહેલા રાહુલ ગાંધીએ હાલમાં જ એક હેડલાઇન શેર કરીને કહ્યું છે કે બોર્ડર પર આપણે એક નવા યુદ્ધનો સામનો કરવા જઈ રહ્યા છે. આ ખતરાને નજરઅંદાજ કરવાથી કામ થશે નહીં. રાહુલ ગાંધીએ ટ્વિટ કરીને દાવો કર્યો હતો કે ચીન લદાખની આસપાસ ઊંચા સ્થાનો પર રાત્રિનાં સમયમાં અભ્યાસ કરી રહ્યું છે અને સેના દ્વારા હથિયાર તૈનાત કરવામાં આવી રહ્યા છે.
શું છે આખો વિવાદ
નોંધનીય છે કે ગયા વર્ષ મે અને જૂન મહિનામાં લદાખમાં ભારત અને ચીનની સેના સામસામે આવી હતી જેમા ભારતના કેટલાય સૈનિકો શહીદ થયા હતા. તે સમયથી જ ભારત અને ચીન વચ્ચેનાં સમાબંધો સંબંધો ખૂબ જ ખરાબ થઈ ગયા હતા. એક સમયે તો ચીન સાથે યુદ્ધ થશે તેવી નોબત આવી ગઈ હતી. જોકે તે બાદ ભારત અને ચીનની સેના વચ્ચે મહિનાઓ સુધી ચર્ચા કરવામાં આવી અને ચીની સેનાએ પાછળ હટવાનો નિણર્ય કર્યો હતો. જોકે આ મુદ્દા પર રાહુલ ગાંધી અને કોંગ્રેસ મોદી સરકાર પર સતત હુમલો કરતાં આવ્યા છે. રાહુલ ગાંધીનો દાવો છે કે ચીની સેના ભારતની સીમાની અંદર સુધી આવી હતી અને ચીને ભારતની સીમા પર કબજો કર્યો છે. રાહુલ ગાંધી આ મુદ્દે સતત વડાપ્રધાન નરેન્દ્ર મોદીને નિશાને લેતા રહ્યા છે.