રાજનીતિ / CAG રિપોર્ટ પર રાહુલ ગાંધીએ ઉઠાવ્યા સવાલ, ટ્વિટ કરીને કહી આ વાત 

•  મોદી સરકારની ટીકા કરતાં રહ્યા છે રાહુલ ગાંધી 
• CAG રિપોર્ટનું ટેબલ શેર કરીને કર્યો કટાક્ષ
• CAGed શબ્દનો ઉપયોગ કરીને વ્યંગ કર્યો

છેલ્લા કેટલાક સમયથી મોદી સરકારની વિરુદ્ધમાં સતત હમલાવર રહેતા કોંગ્રેસના પૂર્વ અધ્યક્ષ રાહુલ ગાંધીએ બુધવારે કમ્પટ્રોલર એન્ડ ઓડિટર જનરલ (CAG) ના અહેવાલમાં કથિત વિલંબનો મુદ્દો ઉઠાવ્યો હતો અને સોશિયલ મીડિયા પર એક ટેબલ શેર કરતી વખતે 'CAGed' (કેજડ) શબ્દનો ઉપયોગ કર્યો હતો. આમ રાહુલ ગાંધીએ આ વખતે પણ આડકતરી રીતે મોદી સરકાર અને તેમના વહીવટી તંત્ર પર સવાલો ઉઠાવ્યા હતા.

CAGed. pic.twitter.com/sXSROo58Eh

— Rahul Gandhi (@RahulGandhi) March 10, 2021

રિપોર્ટમાં લાગેલા ટાઈમને લઈને પણ કર્યો કટાક્ષ 

કોંગ્રેસ નેતા રાહુલ ગાંધીએ ટ્વિટર પર પોતાની પોસ્ટમાં એક તાલિકા શેર કરી છે, જેમાં CAG દ્વારા 2011-12થી અહેવાલ તૈયાર કરવા માટે લેવાયેલા સમયનો ઉલ્લેખ છે. આ વખતે તેમના દ્વારા પોસ્ટ કરવામાં આવેલા ટેબલમાં એ પણ બતાવાય છે કે CAGના અહેવાલમાં નાણાકીય વર્ષ 2017-18 અને 2018-19માં 18-24 મહિનાનો સમય લાગ્યો હતો અથવા તો તે ફરીથી બાકી છે. જેને લઈને તેમણે કહ્યું, "કેજડ" શબ્દનો પ્રયોગ કર્યો હતો, નોંધનીય છે કે આનો સાદો અર્થ પાંજરામાં બંધ એવો કરી શકાય છે.

એક અહેવાલ મુજબ, RTI હેઠળ પ્રાપ્ત માહિતી અનુસાર, 2015 અને 2020 ની વચ્ચે, CAG ના અહેવાલમાં 75 ટકાનો ઘટાડો થયો છે. 2015 માં, CAG દ્વારા 55 રિપોર્ટ્સ રજૂ કર્યા, પરંતુ 2020 સુધીમાં તેની સંખ્યા ઘટીને માત્ર 14 થઈ ગઈ છે. આમ મોદી સરકારના શાસન કાળમાં CAG જેવી બંધારણીય સંસ્થાઓમાં સરકારની દખલગીરી અને તેમની સ્વાયતત્તા પર દબાણને લઈને પણ રાહુલ ગાંધીએ કટાક્ષ કર્યો હતો. મહત્વનું છે કે રાહુલ ગાંધી અને કોંગ્રેસ સહિતના અન્ય વિપક્ષના નેતાઓ પણ આ મુદ્દે સરકારની કાર્યશૈલીને નિશાન બનાવતા રહ્યા છે.