રાજકારણ / ગુજરાતમાં મોટો ખેલ પાડવાની તૈયારીમાં રાહુલ ગાંધી! પ્રદેશ નેતાઓને અંધારામાં રાખી કર્યું આ મોટું કામ

• ભાજપની જેમ ગુજરાત કોંગ્રેસમાં મોટા ફેરફાર નક્કી 
• હાઈકમાન્ડે પ્રદેશ નેતાઓની જાણ બહાર કર્યો સર્વે
• પ્રતિભાશાળી નવા ચહેરાને જ કમાનની સંભાવના
   

ગુજરાતમાં આગામી સમયમાં વિધાનસભાની ચૂંટણીઓ યોજાનાર છે ત્યારે દરેક પક્ષને અત્યારથી જ તૈયારીઓ શરૂ કરી દીધી છે તેવામાં કોંગ્રેસ પક્ષ દ્વારા પણ તૈયાારીઓના ભાગ રૂપે ગુજરાતમાં રાજકીય પરિસ્થિતિ જાણવા સર્વે કરાયો હોવાનું સામે આવ્યું છે. ભાજપની જેમ ગુજરાત કોંગ્રેસમાં પણ રાજકીય પરિસ્થિતિનો તાગ મેળવવા માટે હાઈકમાન્ડે સર્વે કરાયો હોવાનો ઘટસ્ફોટ થયો છે. જેમાં હાઈકમાન્ડ દ્વારા ગુજરાતમાં 8 ટીમો ઉતારીનો સર્વે કરાયો હોવાનું ખુલ્યું છે. 

ભાજપની જેમ ગુજરાત કોંગ્રેસમાં મોટા ફેરફાર નક્કી 

આ સર્વેમાં મહત્વની બાબત એ છે કે ગુજરાત કોંગ્રેસને ખબર સુદ્ધા પણ નથી આવી તે તેના નાક નીચે ગુજરાતના તમામ વિધાનસભા વિસ્તારમાં સર્વે કરવામાં આવી રહ્યો છે, સર્વેની કામગીર દરમિયાન ગુજરાત પ્રદેશના નેતાઓને પણ અંધારામાં રાખવામાં આવ્યા હોવાનું મનાઈ રહ્યું છે. આ સર્વેમાં ટીમ રાહુલ ગાંધીએ  વિધાનસભાના જુદા જુદા મત વિસ્તારની માહિતી મેળવી છે જેમાં ચોંકાવનારા તારણો પણ સામે આવ્યા છે. 

પ્રદેશના નેતાઓને અંધારામાં રાખી કરાયો સર્વે

મનાઈ રહ્યું છે કે આ સર્વેની કામગીરી બાદ હવે હાઈકમાન્ડ જોખમ લેવા તૈયાર નથી, તેમના આગામી ચૂંટણીને લઈ કોંગ્રેસમાં મોટા ફેરફારો કરવામાં આવી શકે છે, મહત્વનું છે કે ગુજરાતમાં કોંગ્રેસની સ્થિતિ કમજોર જોવા મળી રહી છે ત્યારે કોંગ્રેસ પક્ષને મજબુત કરવા કોંગ્રેસ હાઈકમાન્ડ દ્વારા મોટા નિર્ણય લેવાઈ શકે છે. સર્વેની કામગીરીને જોતા આગામી વિધાનસભાની ચૂંટણીમાં કોંગ્રેસ નવા ચહેરાઓને સ્થાન આપી શકે છે અહી ઉલ્લેખનિય છે કે ભાજપ દ્વારા નવી સરકાર નવા મંત્રીઓની ફોમ્યુલા અપનાવી છે ત્યારે કોંગ્રેસે પણ હવે તે દિશામાં કામ કરવાનું શરૂ કરી દીધું હોય તેવું લાગી રહ્યું છે. 

પ્રતિભાશાળી નવા ચહેરાને જ કમાનની સંભાવના

હાઈકમાન્ડ દ્વારા ગુજરાતમાં કોંગ્રેસની સ્થિતિ મજબૂત કરવા માટે 2022માં સ્વચ્છ છબી ધરાવતા ચહેરાઓને સ્થાન આપવામાં આવે તેવું પણ મનાઈ રહ્યું છે. નવા નેતૃત્વ સાથે જ્ઞાતિ સમીકરણ પણ જોડાઈ તેવું પણ લાગી રહ્યું છે. કોંગ્રેસ દ્વારા યુથ કોંગ્રેસ અને મહિલા કોંગ્રેસને મજબૂત કરવામાં આવે તેવું પણ લાગી રહ્યું છે. ત્યારે હવે પંજાબની જેમ ગુજરાતમાં પણ કોંગ્રેસ નવો દાવ રમશે તવું લાગી રહ્યું છે.