અમેરિકાની મુલાકાત / 'રાહુલ ગાંધી ખાનગીમાં જઈ આવ્યાં વ્હાઈટ હાઉસની મુલાકાતે, આ લોકોને મળ્યાં', પત્રકારનો ચોંકાવનારો દાવો

• રાહુલ ગાંધી 10 દિવસની અમેરિકાની મુલાકાતે
• રાહુલે વ્હાઈટ હાઉસની ગુપ્ત મુલાકાતે ગયા હોવાનો પત્રકારનો દાવો
• બાયડન સરકાર કે કોંગ્રેસે સાધી ચુપકીદી 

વડાપ્રધાન નરેન્દ્ર મોદી આ મહિને અમેરિકાની ઐતિહાસિક મુલાકાતે જવાના છે. તેઓ બીજી વખત અમેરિકી કોંગ્રેસના સંયુક્ત સત્રને સંબોધિત કરશે. આ ઉપરાંત અમેરિકી રાષ્ટ્રપતિ 22 જૂને વ્હાઈટ હાઉસમાં પીએમ મોદીના સમ્માનમાં સ્ટેટ ડિનરનું આયોજન કરશે. પીએમ મોદીની મુલાકાત પહેલા કોંગ્રેસ નેતા રાહુલ ગાંધી પણ વ્હાઇટ હાઉસની ગુપ્ત મુલાકાતે ગયા હોવાનું ચર્ચાઈ રહ્યું છે. 

Who or what is @HinduACTion pray? Clearly not much of a reader of columns! Unless you do “sashtang pranam” daily you are a critic of @PMOIndia? Uff. https://t.co/nhvAPWtqH5

— Seema Sirohi (@seemasirohi) June 8, 2023

વ્હાઇટ હાઉસમાં નેતાઓ સાથે મુલાકાત કરી હોવાની ચર્ચા 
મીડિયા રિપોર્ટમાં દાવો કરવામાં આવ્યો છે કે રાહુલ ગાંધીએ વ્હાઇટ હાઉસમાં કેટલાક ટોચના અમેરિકન નેતાઓ સાથે 'ગુપ્ત' બેઠક કરી હતી. કેટલાક કારણોસર આ બેઠકો ગુપ્ત રાખવામાં આવી છે. બાયડન સરકારે પણ વિપક્ષી નેતા માટે વ્હાઈટ હાઉસના દ્વાર ખુલ્લા રાખ્યાં છે. રાહુલ ગાંધીની વ્હાઇટ હાઉસની કથિત મુલાકાતને લઇને અમેરિકા કે કોંગ્રેસ પાર્ટીએ કોઈ નિવેદન જારી કર્યું નથી.

કોને મળ્યા રાહુલ ગાંધી?
રાહુલ ગાંધીએ અમેરિકાની મુલાકાત દરમિયાન શિક્ષણવિદો, તકનીકી નિષ્ણાતો અને થિંક ટેન્ક ઉપરાંત અમેરિકાના વિદેશ મંત્રાલયના દક્ષિણ એશિયા માટેના સહાયક વિદેશ પ્રધાન ડોનાલ્ડ લુ સહિત અમેરિકાના વરિષ્ઠ અધિકારીઓ સાથે પણ મુલાકાત કરી હતી. 

પીએમ મોદી 22મીએ અમેરિકા જશે
પીએમ મોદીની અમેરિકાની સત્તાવાર મુલાકાત 22 જુનથી શરુ થઈ રહી છે. તેઓ અમેરિકી સંસદના બન્ને ગૃહોને બીજી વાર સંબોધનાર પહેલા ભારતીય પીએમ હશે.