CAG ના અહેવાલ મુજબ, 2015-16 અને 2017-18 ના સમયગાળા દરમિયાન થયેલા ઓડિટમાં બહાર આવ્યું હતું કે ઊંચાઈ અને ઠંડા સ્થળોએ તૈનાત કરાયેલા સૈનિકો માટે જરૂરી કપડાં અને સાધનસામગ્રીની ખરીદીમાં ચાર વર્ષ સુધીનો વિલંબ થયો હતો.
રાહુલ ગાંધીએ ફરી મોદી સરકારને અડફેટે લીધી
રાહુલ ગાંધીએ કહ્યું," પીએમ મોદીને ફક્ત પોતાની ઇમેજની ચિંતા"
CAG રિપોર્ટમાં સામે આવી છે ઘણી હકીકત
કોંગ્રેસના પૂર્વ અધ્યક્ષ રાહુલ ગાંધી એ લદ્દાખ માં ભારતીય સૈનિકોની પરિસ્થિતિ અંગે જાહેર કરાયેલા CAG ના રિપોર્ટ અંગે વડા પ્રધાન મોદી પર પ્રહાર કર્યા છે. રાહુલ ગાંધીએ કહ્યું છે કે પીએમ મોદી એ પોતાના માટે 8400 કરોડનું વિમાન ખરીદ્યું હતું. આની જગ્યાએ સિયાચીન-લદાખ પર પોસ્ટ કરાયેલા સૈનિકો માટે ઘણું ખરીદી શકાય છે. વડા પ્રધાન નરેન્દ્ર મોદી ફક્ત તેમની ઇમેજની ચિંતા કરે છે, જવાનોની નહીં"
PM ने अपने लिए 8400 करोड़ का हवाई जहाज़ ख़रीदा।
इतने में सियाचिन-लद्दाख़ सीमा पे तैनात हमारे जवानों के लिए कितना कुछ ख़रीदा जा सकता था:
વડાપ્રધાન મોદીને માત્ર પોતાની ઇમેજની ચિંતા છે: રાહુલ ગાંધી
રાહુલ ગાંધી એ તેના ટ્વિટર હેન્ડલ પર લખ્યું કે, "વડા પ્રધાને પોતાના માટે 8400 કરોડનું વિમાન ખરીદ્યું. આમાંથી સિયાચીન-લદાખ સરહદ પર મુકાયેલા અમારા સૈનિકો માટે કેટલી ખરીદી કરી શકાય છે. ગરમ કપડાં: 30,00,000, જેકેટ-ગ્લોવ્સ: 60,00,000, શુઝ: 67,20,000 અને ઓક્સિજન સિલિન્ડર: 16,80,000. પીએમ મોદી માત્ર તેમની ઇમેજની ચિંતા કરે છે, સૈનિકોની નહીં."
ખરેખરમાં CAG ના અહેવાલ મુજબ, 2015-16 અને 2017-18 ના સમયગાળા દરમિયાન થયેલા ઓડિટમાં બહાર આવ્યું હતું કે ઊંચાઈ અને ઠંડા સ્થળો પર સૈન્ય તૈનાત કરવા માટે જરૂરી કપડાં અને સાધનોની ખરીદીમાં ચાર વર્ષ સુધીનો વિલંબ થયો હતો. હિમપ્રદેશમાં વપરાતા ચશ્માંની ભારે તંગી રહી હતી.
PAC એ સરહદ પર જવાની માંગી મંજૂરી
સિયાચીન અને લદાખ હવામાન પ્રમાણે અસમાન સ્થિતિઓ ધરાવે છે. આવી સ્થિતિમાં સંસદની જાહેર હિસાબ સમિતિ PAC એ પણ ત્યાં તૈનાત ભારતીય સૈનિકો માટે જરૂરી ગરમ કપડાં અને સાધનોની ખરીદીમાં વિલંબ થવાની ચિંતા વ્યક્ત કરી છે. PAC પ્રમુખ અધિર રંજન ચૌધરીએ આ સંદર્ભે લોકસભાના અધ્યક્ષ ઓમ બિરલાને પત્ર લખ્યો છે.
આમાં, તેઓએ લદ્દાખ ને પેનલ મોકલવાની મંજૂરી માંગી છે, જેથી પેનલ લદ્દાખમાં સીમા પર સ્થિત સૈનિકોને મળી શકે અને ત્યાંની પરિસ્થિતિને જાણવા અને સમજી શકે.