IPLIN
 
  • Home
  • India
  • Rahul Gandhi other Opposition leaders onboard flight to Srinagar

જમ્મૂ કાશ્મીર / રાહુલ ગાંધી સહિત 11 નેતાઓને શ્રીનગર એરપોર્ટ પર રોકવામાં આવ્યા, મીડિયા સાથે કરી મારપીટ

Team VTV 12:02 PM, 24 Aug 19 | Updated: 02:46 PM, 24 Aug 19
Follow us
Rahul Gandhi other Opposition leaders onboard flight to Srinagar

પૂર્વ કોંગ્રેસ અધ્યક્ષ રાહુલ ગાંધી વિપક્ષના નેતાઓના એક પ્રતિનિધમંડળ સાથે આજે શ્રીનગર જવા રવાના થયા છે. દિલ્હી ઍરપોર્ટ પરથી રાહુલ ગાંધી રવાના થયા છે ત્યારે સામે શ્રીનગરમાં ઍરપોર્ટ પર સુરક્ષામાં વધારો કરી દેવાયો છે.

રાહુલ ગાંધીની શ્રીનગર જવાની તૈયારીઓ વચ્ચે જમ્મૂ કાશ્મીર પ્રશાસનનું એક નિવેદન આવ્યું છે. જેમાં તેઓએ કહ્યું કે વિપક્ષી નેતા કાશ્મીર ન આવે અને સહયોગ આપે. પોલિસ સૂત્રોનું કહેવું છે કે વિપક્ષી પ્રતિનિધિમંડળને શ્રીનગર એરપોર્ટથી બહાર નહીં જવા દેવાય.

શ્રીનગર એરપોર્ટ પર મીડિયા સાથે કરી મારપીટ
વિપક્ષી દળોનું પ્રતિનિધિમંડળ જ્યારે શ્રીનગર એરપોર્ટ પહોંચ્યું ત્યારે નેતાઓ અને મીડિયાને અલગ રાખવામાં આવ્યા. મીડિયાએ વિપક્ષી નેતાઓ સાથે વાતચીત કરવાની કોશિશ કરી તો પોલિસે તેમની સાથે મારપીટ કરી.

વિપક્ષી મંત્રીમંડળ શ્રીનગર જવા નીકળ્યું
વિસ્તારાની ફ્લાઈટ દિલ્હી એરપોર્ટથી નીકળી ચૂકી છે. વિમાનમાં રાહુલ ગાંધી, ગુલામ નબી આઝાદ, આનંદ શર્મા, શરદ યાદવ, માજિદ મેનન, મનોજ ઝા, ડી રાજા હાજર છે. મનોજ ઝાનું કહેવું છે કે અમને લોકોને શા માટે રોકવામાં આવી રહ્યા છે? અમે લોકોને મળવા માંગીએ છીએ. અમે દેશના નાગરિક છીએ. શરદ યાદવે પણ કહ્યું કે જમ્મુ કાશ્મીર ભારતનો ભાગ છે. અમે ભારતના આ ભાગમાં ન જઈ શકીએ?ડી રાજાનું પણ કહેવું છે કે અમે સરકારની શાંતિને વિશે જાણવા ઈચ્છીએ છીએ.

રાજ્યપાલના બોલાવવાથી વિપક્ષ જઈ રહ્યું છે કાશ્મીરઃ યેચૂરી
માકપાના મહાસચિવ સીતારામ યેચૂરીએ કહ્યું કે જમ્મૂ કાશ્મીરના રાજ્યપાલે વિપક્ષી નેતાઓને વિનમ્રતાપૂર્વક આમંત્રિત કર્યું હતું કે તેઓ આવે અને કાશ્મીરની સ્થિતિ જુએ. અમે તેમના નિમંત્રણનું સન્માન કરીએ છીએ અને આજે શ્રીનગર પહોંચીશું.

 

વિમાનમાં બેઠેલું પ્રતિનિધિમંડળ

કાશ્મીર ભારતનું અભિન્ન અંગ બન્યું
અમિત શાહ હૈદરાબાદમાં સરદાર વલ્લભભાઈ પટેલ રાષ્ટ્રિય પોલિસ અકાદમીમાં ગૃહમંત્રી અમિત શાહે કહ્યું કે હું સરદાર પટેલને શ્રદ્ધાંજલિ આપવા ઈચ્છું છું. તેઓએ 630 રજવાડાઓને એકસાથે કર્યા હતા. ફક્ત જમ્મૂ કાશ્મીર જ બચ્યું હતું. પીએમ મોદીના નેતૃત્વમાં અનુચ્છેદ 370ને હટાવવામાં આવ્યો છે. અને જમ્મૂ કાશ્મીર સંપૂર્મ રીતે શેષ ભારતની સાથે એકીકૃત થયું છે. 

રાહુલ ગાંધી ઘરેથી નીકળ્યા

નેતાઓને નજરબંધ શા માટે કર્યા છે?: આઝાદ
કોંગ્રેસના નેતા ગુલામનબી આઝાદે કહ્યું કે એક તરફ સરકારનું કહેવું છે કે કાશ્મીરની સ્થિતિ સામાન્ય છે, અને અન્ય તરફ તે કોઈને જવાની અનુમતિ આપતા નથી. જો ચીજો સામાન્ય છે તો રાજકીય નેતાઓને નજરબંધ શા માટે કરવામાં આવી રહ્યા છે?

અમે કોઈ મુશ્કેલી સર્જવા નથી જઈ રહ્યા
માજિદ મેનન એનસીપીના નેતાએ કહ્યું કે અમારો ઉદ્દેશ કોઈ ગરબડ કરવાનો નથી, અમે સરકારની વિરુદ્ધમાં જઈ રહ્યા નથી. અમે સરકારના સમર્થનમાં જઈ રહ્યા છીએ જેથી અમે પણ કહી શકીએ કે શું કરવું જોઈએ.

પ્રશાસને કહ્યું કંઈક આવું
કાશ્મીર ન આવીને રાહુલ ગાંધી સહયોગ કરે. રાહુલ ગાંધીની શ્રીનગર જવાની તૈયારીની વચ્ચે જમ્મૂ કાશ્મીર પ્રશાસનનું નિવેદન આવ્યું છે. જમ્મૂ કાશ્મીર પ્રશાસને કહ્યું છે કે વિપક્ષી નેતા કાશ્મીર ન આવે અને સહયોગ આપે. પોલિસ સૂત્રોનું કહેવું છે કે વિપક્ષી પ્રતિનિધિમંડળને શ્રીનગર એરપોર્ટથી બહાર જવા દેવામાં આવશે નહીં. પ્રશાસને ટ્વિટ કરી, નેતાઓની આ મુલાકાતથી અસુવિધા સર્જાશે. અમે લોકોને આતંકીઓથી બચાવવામાં કાર્યરત છીએ. પ્રશાસને કહ્યું કે નેતા તે પ્રતિબંધોનું ઉલ્લંઘન પણ કરી રહ્યા હશે, જે હાલમાં અનેક વિસ્તારોમાં લાગૂ છે. વરિષ્ઠ નેતાઓએ સમજવું જોઈએ કે શાંતિ, વ્યવસ્થા જાળવી રાખવા અને નુકસાનને રોકવા માટે સર્વોચ્ચ પ્રાથમિકતા આપવામાં આવશે.

ફોટો સૌજન્ય - Twitter.com

rahul gandhi jammu kashmir flight to Srinagar Rahul Gandhi and Opposition leaders રાહુલ ગાંધી જશે શ્રીનગર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ