આક્ષેપ / રાહુલ ગાંધીએ હવે સરકારની આરોગ્ય સેતુ પર ઉઠાવ્યા સવાલ, કહ્યું તેમાં...

• રાહુલ ગાંધીએ આરોગ્ય સેતુ એપની મદદથી ડેટા ચોરી અને લોકો પર નજર રાખવાનો આરોપ લગાવ્યો હતો
• ભાજપે પ્રતિક્રિયા આપી, રવિશંકર પ્રસાદે કહ્યું , રોજ એક નવુ જુઠ્ઠાણું
• આરોગ્ય સેતુ એપ્લિકેશન કોરોના વાયરસ લોકડાઉનમાં એક ઇ-પાસ છે

કોંગ્રેસના પૂર્વ અધ્યક્ષ રાહુલ ગાંધીએ આરોગ્ય સેતુ એપને ડેટા ચોરી અને લોકો પર નજર રાખવાનો જુગાડ ગણાવ્યો છે. તેમણે અંગત ડેટાની ચોરી અને લોકોની પ્રાઈવસી ભંગની આશંકા વ્યક્ત કરી હતી. જ્યારે ભાજપના વરિષ્ઠ નેતા અને કેન્દ્રીય પ્રધાન રવિશંકર પ્રસાદે પ્રતિક્રિયા આપતાં તેને રાહુલનું બીજું જૂઠું ગણાવ્યું હતું.

રાહુલે ટ્વીટ કર્યું, 'આરોગ્ય સેતુ એક અત્યાધુનિક સર્વેલન્સ સિસ્ટમ છે જેને એક ખાનગી ઓપરેટર દ્વારા આઉટસોર્સ કરવામાં આવી છે. તેની કોઈ સંસ્થાકીય તપાસ થઈ નથી. આ ડેટા સુરક્ષા અને પ્રાઈવસી અંગે ગંભીર ચિંતા ઉભી થઈ રહી છે. ' ગાંધીએ કહ્યું, " ટેક્નોલોજી આપણને સલામત રહેવામાં મદદ કરી શકે છે, પરંતુ નાગરિકોની મરજી વિના તેમના પર નજર રાખવાનો ભય તેમને સતાવવો જોઈએ નહીં.’

આ અગાઉ કોંગ્રેસના મુખ્ય પ્રવક્તા રણદીપ સુરજેવાલાએ 'આરોગ્ય સેતુ' સંબંધિત પ્રશ્નના વીડિયો લિંક દ્વારા પત્રકારોને જણાવ્યું હતું કે, 'ઘણા નિષ્ણાતોએ આરોગ્ય સેતુના સંદર્ભમાં ગોપનીયતાનો મુદ્દો ઉઠાવ્યો છે. કોંગ્રેસ આ વિષય પર વિચાર કરી રહી છે અને આગામી 24 કલાકમાં સમગ્ર પ્રતિક્રિયા આપશે.’

રવિશંકર પ્રસાદે કહ્યું  રોજ એક નવું જૂઠ્ઠાણું 

તેમના નિવેદનમાં પલટવાર કરતા માહિતી ટેકનોલોજી મંત્રી રવિશંકર પ્રસાદે કહ્યું કે દરરોજ એક નવું જુઠ બોલે છે. કેન્દ્રીય મંત્રીએ પોતાની ટ્વિટમાં કહ્યું, 'શ્રી ગાંધી, સમય આવી ગયો છે કે તમે તમારી ટ્વીટનું આઉટસોર્સિંગ કરવાનું બંધ કરો. જેમને ભારતની સમજણ નથી. ' તેમણે કહ્યું કે વિશ્વમાં આ એપ્લિકેશનની પણ પ્રશંસા થઈ રહી છે, જેને સરકારે કોરોના વાયરસ સામેની લડતમાં મહત્વપૂર્ણ શસ્ત્ર ગણાવી છે.

રાહુલ પર નિશાન સાધતા પ્રસાદે કહ્યું, 'રોજ એક નવો જૂઠ બોલો. આરોગ્ય સેતુ એપ્લિકેશન એક શક્તિશાળી મદદગાર છે જે લોકોનું રક્ષણ કરે છે. તેમાં ડેટા સિક્યુરિટીની નક્કર સિસ્ટમ છે. જેઓ આખી જીંદગીની જાસૂસી કરવામાં રહ્યાં છે તેઓ આ નહીં સમજી.  ટેક્નોલોજીનો ઉપયોગ સારા કાર્યો માટે થઈ શકે છે.

Daily a new lie.

Aarogya Setu is a powerful companion which protects people. It has a robust data security architecture.
Those who indulged in surveillance all their lives, won’t know how tech can be leveraged for good! https://t.co/t8ThXmddcS

— Ravi Shankar Prasad (@rsprasad) May 2, 2020

પ્રિયંકાએ આરોગ્ય સેતુ પર પણ નિશાન સાધ્યું  હતુ 

કોંગ્રેસ મહાસચિવ પ્રિયંકા ગાંધીએ પણ આરોગ્ય સેતુ એપને લઈને મોદી-યોગી સરકાર પર આકરા પ્રહાર કર્યા હતા. તેમણે ભદોહી ડીએમના હુકમની નકલ પોસ્ટ કરી હતી અને ટ્વિટ કર્યુ હતું કે હવે જનતા ત્રાહિમામ  કરી રહી છે. રાશન, પાણી, રોકડની અછત છે અને સરકારી વિભાગ પીએમ  કેર માટે સૌની પાસેથી વધુ સો રૂપિયા લે છે ત્યારે પીએમ કેરનું સરકારી ઓડિટ કરવું યોગ્ય રહેશે. દેશમાંથી ભાગી ગયેલા બેંક ચોરના 68 હજાર કરોડનો હિસાબ થવો જોઈએ.