રાજનીતિ / રાહુલ ગાંધીનુ સભ્ય પદ રદ્દ થતા ગુજરાતમાં કોંગ્રેસ આક્રમક, બેઠકોના દોર શરૂ કર્યા, વિરોધ પ્રદર્શન કરવા ઘડાઈ રણનીતિ

• રાહુલ ગાંધીનુ સભ્ય પદ રદ થતા કોંગ્રેસ આક્રમક
• ગુજરાતમાં કોંગ્રેસનો બેઠકોરોનો દોર
• વિરોધ પ્રદર્શન કરવા અંગે ચર્ચા વિચારણા કરાઈ

રાહુલ ગાંધીના સભ્યપદ રદ થવા મામલે ગુજરાત કોંગ્રેસમાં બેઠકોનો દોર શરૂ થયો છે. પ્રદેશ કોંગ્રેસ ભવન ખાતે કોંગ્રેસના નેતાઓની બેઠક મળી હતી. પ્રભારી રઘુ શર્મા અને પ્રદેશ પ્રમુખ જગદીશ ઠાકોરની અધ્યક્ષતામાં બેઠક મળી હતી જે બેઠકમાં રાહુલ ગાંધીના સભ્યપદ રદ્દ થવા મામલે રણનીતિ ઘડવામાં આવી છે.

જિલ્લા, તાલુકા લેવલે કોંગ્રેસ કરશે વિરોધ
રાહુલ ગાંધીનુ સભ્ય પદ રદ થતા કોંગ્રેસ આક્રમક તેવરમાં જોવા મળી રહી છે. પ્રદેશ કોંગ્રેસ ભવન ખાતે પ્રભારી રઘુ શર્મા અને પ્રદેશ પ્રમુખ જગદીશ ઠાકોરની અધ્યક્ષતામાં બેઠક મળી હતી. આગામી દિવસોમાં જિલ્લા અને તાલુકા કક્ષાએ વિવિધ કાર્યક્રમ અંગે ચર્ચા કરવામાં આવી તેમજ મહિલા મોરચો, યુથ કોંગ્રેસ, સેવા દળ, NSUIને સાથે રાખીને ધરણા થશે. ધરણાની સાથે કોંગ્રેસના નેતાઓએ વિવિધ સ્થળે વિરોધ કરશે. રાહુલ ગાંધીના ગુજરાત પ્રવાસ સમયના કાર્યક્રમની પણ ચર્ચા કરાઈ.

NSUIને સાથે રાખીને કોંગ્રેસ કરશે ધરણા
કોંગ્રેસની વિદ્યાર્થી દળની પાંખ NSUIને સાથે રાખી કોંગ્રેસ જિલ્લા તેમજ તાલુકા કક્ષાએ વિરોધ કરશે.

શુ છે સમગ્ર મામલો
કોંગ્રેસ પાર્ટીના વાયનાડથી સાંસદ તથા પાર્ટીના પૂર્વ અધ્યક્ષ રાહુલ ગાંધીને તેમના રાજકીય જીવનનો સૌથી મોટો ઝટકો લાગ્યો હતો. લોકસભા સચિવાલય દ્વારા નોટિફિકેશન જાહેર કરીને રાહુલ ગાંધીની લોકસભા સદસ્યતા રદ્દ કરી નાંખી હતી. 23 માર્ચના રોજ સુરતની કોર્ટ દ્વારા મોદી સરનેમ પર આપેલા વિવાદિત નિવેદન પર માનહાનિ કેસમાં બે વર્ષની જેલની સજા ફટકારવામાં આવી હતી. આ સાથે જ 15 હજાર રૂપિયાનો દંડ પણ ફટકારવામાં આવ્યો હતો. બે વર્ષની જેલની સજાના કારણે જ નિયમ અનુસાર રાહુલ ગાંધીની સદસ્યતા ગઈ છે. જે મુદ્દે ગુજરાત કોંગ્રેસ વિરોધ કરશે