લોકસભાની ચૂંટણીનો માહોલ બરાબર જામી ચુક્યો છે. કેટલાક રાજ્યોમાં મતદાન પણ થઇ ગયું. ત્યારે આવા સમયે રાહુલ ગાંધી પર ચોંકાવનારો આરોપ લાગ્યો છે. સોશિયલ મીડિયા પર કેટલાક લોકોએ રાહુલ ગાંધીની એક યુવતી સાથેની તસ્વીર શેર કરી અને દાવો કર્યો કે રાહુલ ગાંધીએ આ યુવતી સાથે લગ્ન કરી લીધા છે. આટલું જ નહી રાહુલના બે બાળક હોવાનો પણ દાવો કર્યો છે. તો શું છે વાયરલ થયેલી તસ્વીરનું સત્ય, રાહુલ સાથે દેખાતી યુવતી કોણ છે, તે જુઓ વાયરલ ટ્રુથના આ રિપોર્ટમાં.
છેલ્લા કેટલાક આ ચાર સવાલો સોશિયલ મીડિયા પર ચર્ચાનો વિષય બન્યા છે. કારણકે કોંગ્રેસના અધ્યક્ષ રાહુલ ગાંધીના અંગત જીવન અંગે થયેલા ચોંકાવનારા ખુલાસાના નામે મેસેજ સોશિયલ મીડિયા પર વાયરલ થઇ રહ્યા છે.
આ મેસેજની સાથે એક તસ્વીર પણ છે, જેને પુરાવા રૂપે રજૂ કરવામાં આવી રહી છે. તો જુઓ સોશિયલ મીડિયા પર કોંગ્રેસ અધ્યક્ષ રાહુલ ગાઁધી વિશે કેવી વાત ફેલાઈ રહી છે.
ઉલ્લેખનીય છે કે, વોસ્ટએપ પર આવેલા આ મેસેજમાં ચોંકાવનારા ખુલાસા માટે જાણિતા મીડિયા સમુહ વિકીલીક્સને ટાંકીને લખવામાં આવ્યું છે કે રાહુલ ગાંધી પરણીત છે. તેમને બે બાળક છે, જે લંડનમાં રહે છે. તેમની પત્ની કોલંબિયાની છે. પહેલું સંતન 14 વર્ષનો દીકરો નિયાક છે અને નાની પુત્રીનું નામ માઇનક છે, જેની ઉંમર 10 વર્ષ છે. અપરણીત હોવાનું કહીને રાહુલ ગાંધી દેશને ગેરમાર્ગે દોરી રહ્યા છે.
આ મેસેજમાં જોઇને લાગે છે કે જાણી જોઇને રાહુલ ગાંધીનું નામ લખવામાં ભૂલ કરવામાં આવી છે. એક ફેસબુક પેજ પર આ માહિતી મૂકવામાં આવી, અને માત્ર 16 કલાકમાં જ આ પોસ્ટને 348 લોકોએ શેર કરી નાખી. તો અન્ય એક ફેસબુક યુઝરે પણ રાહુલ ગાંધી પરણીત હોવાનો દાવો કરતી પોસ્ટ લખી અને સાથે ત્રણ તસ્વીરો પણ અપલોડ કરી. જેને 315 લોકો શેર કરી ચુક્યા છે.
ટ્વીટર પર પણ આ કથિત ખુલાસાને લઇને રાહુલ ગાઁધીને ટ્રોલ કરવામાં આવી રહ્યા છે. એટલે કે છેલ્લા ગણતરીના કલાકોમાં જ રાહુલ ગાઁધી પરણીત હોવાનો દાવો કરતા મેસેજ અને પોસ્ટ સોશિયલ મીડિયાના તમામ પ્લેટફોર્મ પર છવાઈ ચુક્યા છે.
જો કે વિચારવા જેવી વાત તો એ છેકે રાહુલ ગાંધી હંમેશા લગ્ની વાત ટાળતા જ આવ્યા છે. ઉલ્લેખનીય છે કે, રાહુલ ગાંધીનું મોસાળ ઇટલીમાં છે. એટલે જ રાહુલ ગાંધી ઘણી વાર વિદેશ પ્રવાસ ખેડે છે. અને તેના કારણે વિરોધી પક્ષના નેતાઓ આરોપ લગાવવાની સાથે મજાક પણ કરી ચુક્યા છે.
સોશિયલ મીડિયા પર રાહુલ ગાંધી વિરુદ્ધ લાગી રહેલા આરોપ ગંભીર હતા. અને રાહુલ ગાંધીની વાયરલ થયેલી તસ્વીરમાં દેખાતી મિસ્ટ્રી ગર્લ કોણ છે, તેની તપાસ કરવાનું અમે નક્કી કર્યું. તપાસ માટે અમે સૌથી પહેલા ગૂગલના ઇમેજ સર્ચ ટુલનો ઉપયોગ કર્યો.
વાયરલ થયેલી તસ્વીર અંગે સર્ચ મારતા અમને ઘણી આપત્તીજનક માહિતી મળી. જેમાં રાહુલ ગાંધી સાથે દેખાતી યુવતી પર અભદ્ર વાત લખવામાં આવી હતી. પણ ગૂગલ પરથી જ અમને એક ઇન્સ્ટાગ્રામની લીન્ક મળી ગઈ,લીન્ક પર ક્લીક કરતા જ નથાલિયા રેમોસ નામનું એક ઇન્સ્ટાગ્રામ એકાઉન્ટ ખુલ્યું.
નથાલિયાએ 14 સપ્ટેબર 2017ના રોજ રાહુલ ગાંધી સાથેની તસ્વીર અપલોડ કરી હતી. અને સાથે જ બર્ગગ્યુએનિનસ્ટ નામની સંસ્થાનો આભાર માન્યો હતો. બર્ગગ્યુએનિનસ્ટ અમેરિકાની થિંક ટેન્ક છે. આ સંસ્થા દરવર્ષે સામાજિક અને રાજકીય ક્ષેત્રના લોકોને બોલાવીને ચર્ચા કરે છે. વર્ષ 2017માં રાહુલ ગાંધી અને નથાલિયા રેમોસ વચ્ચે આ જ કાર્યક્રમમાં મુલાકાત થઇ હતી.
આટલી જાણકારી સામે આવ્યા બાદ અમે તપાસ કરી કે નથાલિયા રેમોસ કોણ છે. તો માહિતી સામે આવી કે,નથાલિયા રેમોસ અભિનેત્રી છે, તેમનો નથાલિયાનો જન્મ સ્પેનમાં થયો હતો, પણ થોડા વર્ષોમાં જ નથાલિયા અમેરિકાના લોસ એન્જેલસમાં સ્થાયી થઇ ગઈ, નથાલિયાએ ફિલ્મ સિવાય ટીવી સિરીયલમાં પણ કામ કર્યું છે. એટલે કે, નથાલિયા રેમોસ અને રાહુલ ગાંધી વચ્ચે પ્રથમ વખત મુલાકાત થઇ હતી.
આખીય વાતનું લંડન શહેર સાથે કોઇ જ કનેક્શન નથી. એટલે કહી શકાય કે રાહુલ ગાંધીએ નથાલિયા રેમોસ સાથે લગ્ન કરી લીધા હોવાનો દાવો ખોટો છે. દોઢ વર્ષ પહેલા જ્યારે નથાલિયા રેમોસે પણ જ્યારે આ તસ્વીર સોશિયલ મીડિયા પર શેર કરી હતી, ત્યારે તેણે જરા પણ નહીં વિચાર્યું હોય કે ભારતમાં તેની તસ્વીરના સંદર્ભમાં આવી ખોટી વાતો ફેલાશે.