IPLIN
 
  • Home
  • Politics
  • India
  • rahul gandhi jharkhand assembly election 2019 hazaribagh ranchi congress rally bjp raghubar pm modi

ઝારખંડ ચૂંટણી / રાહુલ ગાંધીએ PM મોદીને યાદ કરાવતા કહ્યું, તમારા મુખ્યમંત્રી સૌથી ભ્રષ્ટ વ્યક્તિ

Team VTV 03:18 PM, 09 Dec 19 | Updated: 03:21 PM, 09 Dec 19
Follow us
rahul gandhi jharkhand assembly election 2019 hazaribagh ranchi congress rally bjp raghubar pm modi

કોંગ્રેસના નેતા રાહુલ ગાંધીએ ઝારખંડ વિધાનસભાની ચૂંટણીમાં ઝંપલાવ્યું છે. આ કડીમાં સોમવારે રાહુલ ગાંધીએ હજારીબાગના બડકાગામમાં એક રેલીને સંબોધિત કરતા ભ્રષ્ટાચાર મુદ્દા પર રાજ્યની ભાજપ સરકારને ઘેરી. રાહુલ ગાંધીએ ભ્રષ્ટાચાર પર પીએમ મોદીના નિવેદનોને યાદ અપાવતા ઝારખંડના મુખ્યમંત્રી રઘુવર દાસને સૌથી ભ્રષ્ટ વ્યક્તિ કહ્યા.

  • રાહુલ ગાંધીએ ઝારખંડના હજારીબાગના બડકાગામમાં રેલી કરી
  • રાહુલ ગાંધીએ CM રઘુવર દાસને ભ્રષ્ટ વ્યક્તિ કહ્યા
  • પીએમ મોદીને મહિલાઓની સુરક્ષાના મુદ્દા પર ઘેર્યા

રઘુવર દાસની સાથે જ રાહુલ ગાંધી પોતાના ભાષણમાં વડાપ્રધાન નરેન્દ્ર મોદી પર વરસ્યા. રાહુલ ગાંધીએ પીએમ મોદીને અર્થવ્યવસ્થા અને મહિલાઓની સુરક્ષાના મુદ્દા પર જોરદાર ઘેર્યા. રાહુલ ગાંધીએ કહ્યું કે, આજે જ્યાં જુઓ ત્યાં ઘૃણાનું વાતાવરણ છે અને આ પગલે બેરોજગારી પેદા થઇ રહી છે.

 

રાહુલે કહ્યું, જેટલી વધારે ઘૃણા દેશમાં ફેલાશે એટલી જ બેરોજગારી વધશે. એટલા જ ઉદ્યોગ બંધ થશે. અમે સૌને સાથે લઇને ચાલતા હતા, જેમા અમીર-ગરીબ અને દરેક વર્ગના લોકોનો સમાવેશ થતો હતો. 

 

મહિલા સુરક્ષા પર પીએમ મોદીને ઘેર્યા

રાહુલ ગાંધીએ મહિલા સુરક્ષાના મુદ્દા પર એકવાર ફરી પીએમ મોદીને ઘેર્યા હતા. રાહુલ ગાંધીએ કહ્યું, 'આજે આખી દુનિયા ભારતની તરફ જોઇ રહી છે અને કહે છે કે ભારત બળાત્કારનું કેપિટલ બન્યું છે. ઉત્તર પ્રદેશમાં નરેન્દ્ર મોદીની પાર્ટીના ધારાસભ્ય છે, જેણે મહિલા પર બળાત્કાર કર્યો, પરંતુ નરેન્દ્ર મોદીએ એક શબ્દ ન બોલ્યા. યુવતીનો એક્સિડેન્ટ કરાવી દીધો. નરેન્દ્ર મોદી એક શબ્દ ન બોલ્યા. દરેક પ્રદેશમાં મહિલાઓ ડર્યા વિના નીકળી શકતી નથી. અને દિવસભર વડાપ્રધાન કહે છે કે તેઓ મહિલાઓની રક્ષા કરે છે.' 

રાહુલ ગાંધીએ નિવેદન આપતા કહ્યું કે પીએમ મોદીને સવાલ કર્યો કે તમે મહિલાઓની આ કેવી સુરક્ષા કરી રહ્યા છે. 

નોંધનીય છે કે, બડકાગામ વિધાનસભા બેઠક પર કોંગ્રેસના અંબા પ્રસાદની વિરુદ્ધ ભાજપના પૂર્વ ધારાસભ્ય લોકનાથ મહતો અને આજસૂથી ગિરિડીહ સાંસદ અને પૂર્વ મંત્રી રહેલા ચંદ્રપ્રકાશ ચૌધરીના ભાઇ રોશનલાલ ચૌધરી મેદાનમાં છે. આ વિધાનસભા વિસ્તાર કોંગ્રેસનો મજબૂત ગઢ માનવામાં આવે છે. 

 

rahul gandhi Jharkhand Jharkhand Assembly election BJP raghubar das Congress Rally પીએમ મોદી ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ