રાહુલનું ગળે મળવું: ઝેર આપવાની એક રીત PM મોદી કરાવે મેડીકલ તપાસ:સ્વામી

દિલ્હી: અવિશ્વાસના પ્રસ્તાવ પર ચાલી રહેલ ચર્ચા દરમિયાન કોંગ્રેસના અધ્યક્ષ રાહુલ ગાંધીએ ભારતના વડાપ્રધાન નરેન્દ્ર મોદીને ગળેમળીને સૌને ચકિત કરી દીધા. આ વિષયમાં ચર્ચાનો દોર દિવસભર ચાલ્યો. ક્યાંક રાહુલની આ હરકતને હાસ્યમાં ખપાવી તો કોઇએ સંસદના નિયમોનું ઉલ્લંઘન કર્યું હોવાનો પણ ઉલ્લેખ કર્યો.

રાહુલ ગાંધીની આ હરકતથી ભાજપના સાંસદ સુબ્રમણ્યમ સ્વામીએ એક વિવાદિત ટ્વીટ કરીને ફરી એકવાર વિવાદનો મધપૂડો છંછેડી દીધો છે. વિવાદિત નિવેદનો આપવા માટે સતત ચર્ચામાં રહેતા સ્વામીએ આજરોજ એક ટ્વીટ કર્યું જેમાં લખ્યું કે રૂસમાં અને કોરિયામાં ઝેર આપવા માટે ગળે મળે છે. તેમણે પોતાના ટ્વીટમાં પીએમ મોદીને મેડિકલ તપાસ કરાવવાની સલાહ આપી હતી.
 

Namo should not have allowed Buddhu to hug him. Russians and North Koreans use the embrace technique to stick a poised needle. I think Namo should immediately go for a medical check to see if he has any microscopic puncture like Sunanda had on her hand

— Subramanian Swamy (@Swamy39) July 21 2018

ઉલ્લેખનીય છે કે શનિવારે કરવામાં આવેલ ટ્વીટમાં સ્વામીએ રાહુલના નામનો ઉલ્લેખ કર્યા વગર તેને બુદ્ધુ કહેલ છે. ત્યારે વડાપ્રધાન મોદીને નમો શબ્દથી સંબોધન કર્યું છે.



તેમણે જણાવ્યું કે વડાપ્રધાને રાહુલને ગળે મળવા મંજૂરી આપવાની જરૂર નહોતી. આપને જણાવી દઇએ કે ભાજપના પીઢ નેતા સુબ્રમણ્યમ સ્વામી પોતાના વિવાદિત નિવેદનો આપવા માટે જાણીતા છે. ત્યારે ગતરોજ ભારતના સંસદગૃહમાં બનેલ ઘટનાને સ્વામીએ ટાંકીને કરેલ ટ્વીટથી ફરીથી વિવાદનો મધપૂડો છંછેડાયો છે.