ચાર દિવસની યાત્રા માટે પોતાનાં સંસદીય ક્ષેત્ર વાયનાડ પહોંચેલ કોંગ્રેસનાં પૂર્વ અધ્યક્ષ રાહુલ ગાંધીએ એક શખ્સે કિસ કરી છે. કિસ કરનાર શખ્સે પહેલા રાહુલ ગાંધીને હાથ મિલાવ્યો ને ત્યાર બાદ રાહુલ ગાંધીને કિસ કરી છે. જો કે, આ દરમ્યાન રાહુલ ગાંધી થોડા ચોંકી ઉઠ્યાં. હાલમાં આ વીડિયો પૂરજોશમાં સોશિયલ મીડિયા પર વાયરલ થઇ રહ્યો છે.
તમને જણાવી દઇએ કે કોંગ્રેસ નેતા રાહુલ ગાંધી (rahul gandhi) ચાર દિવસોની મુલાકાત પર પોતાનાં સંસદીય ક્ષેત્ર વાયનાડ (waynad) પહોંચ્યાં છે. જ્યાં તેઓ પૂરથી પ્રભાવિત લોકોને મળીને હાલત અંગે તાગ મેળવવામાં આવી રહ્યો છે. આ દરમ્યાન તેઓએ એક ચાની દુકાન પર બેઠેલા લોકોની હાલત જાણી અને આ સાથે જ તેઓ લોકો સાથે ચા પીતા પણ નજરે પડ્યાં. રાહુલની સાથે પાર્ટીનાં વરિષ્ઠ નેતા કેસી વેણુગોપાલ પણ હાજર હતાં. કેરલમાં થયેલાં ભારે વરસાદથી પૂર અને ભૂસ્ખલનથી મોટા સ્તરે તબાહી મચી ગઇ છે. પૂરથી સૌથી ખરાબ હાલત વાયનાડ જિલ્લાની સર્જાઇ હતી. લોકોએ રાહુલને જણાવ્યું કે, પૂરથી તેમનું ભારે નુકસાન થયું છે.
કેરલનાં અનેક જિલ્લાઓનાં લોકો રાહત કેમ્પમાં શિફ્ટઃ
આપને જણાવી દઇએ કે ભારે વરસાદ અને પૂરને ધ્યાને રાખતા કેરલનાં અનેક જિલ્લાઓનાં લોકો રાહત કેમ્પોમાં શિફ્ટ થઇ ગયા છે. મક્કિયાડનાં હિલ ફેસ સ્કૂલ ઓડિટોરિયમમાં બનેલો રાહત કેમ્પમાં લોકોનો હાલચાલ જાણવા પહોંચેલ કોંગ્રેસ નેતા રાહુલ ગાંધીએ લોકોને સંબોધિત કરતા કહ્યું કે, 'હું કેરલનો મુખ્યમંત્રી નથી. અમે ના તો કેરલની સત્તામાં છીએ અને ના તો કેન્દ્રમાં પરંતુ આ મારી જવાબદારી છે કે હું આપને આપનો હક અપાઉં.'
I’m in my parliamentary constituency, Wayanad, for the next few days, visiting flood relief camps and reviewing rehabilitation work in the area. Much has been accomplished, but there’s so much more that still needs to be done. pic.twitter.com/XmibDD524V
રાહુલ ગાંધીએ પોતાના ટ્વિટર એકાઉન્ટ પર લખ્યું કે, "હું આગામી થોડાં દિવસો માટે મારા સંસદીય મત વિસ્તાર વાયનાડમાં છું. હું અહીં પૂર રાહત શિબિરોની મુલાકાત લઈશ અને આ વિસ્તારમાં ચાલી રહેલા પુનર્વાસ કાર્યનો હિસાબ લઈશ. મોટા ભાગનું કામ પૂર્ણ થઈ ગયું છે, પરંતુ હજી કેટલાંક કામ કરવાની જરૂર છે."