કટાક્ષયુક્ત ટ્વિટ / ઉદ્યોગપતિ ગૌતમ અદાણીની સંપત્તિમાં થયો વધારો તો રાહુલે ટ્વિટ કરીને પૂછ્યો આ સવાલ

• ગૌતમ અદાણીની સંપત્તિમાં વધારાની ખબર હતી 
• રાહુલે અદાણીને પૂછ્યું, 2020 માં તમારી સંપત્તિ કેટલી વધી ?
• રાહુલ ગાંધીએ કટાક્ષ કરવા માટે ઝીરો શબ્દનો ઉપયોગ કર્યો

કોંગ્રેસ નેતા રાહુલ ગાંધીએ ટ્વિટ કરીને લખ્યું કે તમારી સંપત્તિ 2020 માં કેટલી વધી ? શૂન્ય.રાહુલ ગાંધીએ કટાક્ષ કરવા માટે ઝીરો શબ્દનો ઉપયોગ કર્યો છે.

How much did your wealth increase in 2020? Zero.

You struggle to survive while he makes ₹ 12 Lakh Cr and increases his wealth by 50%.

Can you tell me why? pic.twitter.com/5sW65Kx7bi

— Rahul Gandhi (@RahulGandhi) March 13, 2021

રાહુલ ગાંધીએ અદાણીની કરી ઘેરાબંધી

બ્લૂમબર્ગના રિપોર્ટને ટાંકતા રાહુલે લખ્યું કે 2020 માં તમારી સંપત્તિમાં કેટલો વધારો થયો, ઝીરો.  રાહુલે આગળ લખ્યું કે જ્યારે તમે રોજી-રોટી કમાવવા માટે સંઘર્ષ કરી રહ્યાં હતા ત્યારે તેમણે 12 લાખ કરોડની સંપત્તિ વધારી લીધી. તેમણે તેમની સંપત્તિમાં 50 ટકાનો વધારો કર્યો. રાહુલે કહ્યું કે શું કોઈ મને કહી શકે કે આવું કેમ થયું ?રાહુલ ગાંધી હમેંશા સરકારને ઉદ્યોગપતિની સરકાર કહેતા આવ્યાં છે. સંસદમાં પણ રાહુલ ગાંધીએ અમે બે, અમારા બે નો નારો આપ્યો હતો. રાહુલે કહ્યું હતું કે આ સરકાર ફક્ત ચાર લોકો ચલાવી રહ્યાં છે. તેમના કહેવાનો અર્થ અંબાણી, અદાણી, પીએમ મોદી અને ગૃહમંત્રી અમિત શાહ એવો થતો હતો. 

ભારત હવે ઈલેક્ટોરલ ડેમોક્રસી નથી રહ્યું- રાહુલ

ઉલ્લેખનીય છે કે આ પહેલા રાહુલે ટ્વિટમાં  લખ્યું હતું કે પાકિસ્તાનની રીતે ભારત પણ ઓટોક્રેટિક છે, અને ભારતની સ્થિતિ તો બાંગ્લાદેશ કરતા પણ ખરાબ છે, આમાં સ્વીડનની ઇન્સ્ટિટ્યૂટ ઓફ ડેમોક્રસી રિપોર્ટનો સન્દર્ભ ટાંકવામાં આવ્યો હતો.  કોંગ્રેસ નેતા રાહુલ ગાંધીએ આજે કેન્દ્રની મોદી સરકારની સામે વધુ એક વાર મોરચો ખોલીને પ્રહારો કર્યા છે,  આ વખતે ટ્વીટરમાં એક વિદેશી ઇન્સ્ટિટ્યૂટની રિપોર્ટને ટાંકવામાં આવી છે જેમાં કહેવામાં આવ્યું છે કે ભારત હવે ઈલેક્ટોરલ ડેમોક્રસી નથી રહ્યું. 

 સ્વીડનની વી ડેમ ઇન્સ્ટિટ્યૂટે તેના રિપોર્ટમાં દાવો કર્યો હતો કે...

નોંધનીય છે કે સ્વીડનની વી ડેમ ઇન્સ્ટિટ્યૂટે તેના રિપોર્ટમાં દાવો કર્યો હતો કે ભારતમાં હવે ચૂંટાયેલી અથવા ચૂંટવા જેવી લોકશાહી નથી રહી, ભારતને આપ રિપોર્ટમાં ઇલેક્ટોરલ ઓટોક્રસીના રૂપમાં વર્ગીકૃત કરવામાં આવી છે. ઓટોક્રસીનો મતલબ નિરંકુશ સત્તા જેવો થાય છે જે તાનાશાહીની સમાંતર હોય, આમ દુનિયાની સૌથી મોટી લોકશાહી ભારતને આ લિસ્ટમાં ઇલેકટોરલ ઓટોક્રસી તરીકે વર્ગીકૃત કરવામાં આવી છે.