પ્રતિક્રિયા / UGCએ પરીક્ષાનું આયોજન કેન્સલ કરી દેવું જોઈએ, વિદ્યાર્થીઓનો અવાજ સાંભળો : રાહુલ ગાંધી

રાહુલ ગાંધીએ શુક્રવારે ટિ્‌વટ કર્યું હતું કે, "કોવિડ 19 મહામારીની વચ્ચે પરીક્ષાનું આયોજન કરવું ખૂબ જ ખોટું છે. UGCએ વિદ્યાર્થીઓ અને શિક્ષણવિદોનો મત સાંભળવો જોઈએ. પરીક્ષાઓ રદ થવી જોઈએ અને વિદ્યાર્થીઓને તેમના પાછલા પરફોર્મન્સના આધારે આપવું જોઈએ."

કોંગ્રેસ નેતાએ UGC પર કન્ફ્યુઝન પેદા કરવાનો આરોપ લગાવી પોતાના ટ્વિટ સાથે એક નાનો વીડિયો મેસેજ પણ જાહેર કર્યો હતો. 

It is extremely unfair to conduct exams during the Covid19 pandemic.

UGC must hear the voice of the students and academics. Exams should be cancelled and students promoted on basis of past performance.#SpeakUpForStudents pic.twitter.com/1TYY3q58i0

— Rahul Gandhi (@RahulGandhi) July 10, 2020

કોવિડે ઘણા લોકોને નુકસાન પહોંચાડ્યું છે. આપણા જે વિદ્યાર્થીઓ છે શાળાઓ, કોલેજો, યુનિવર્સિટીઓમાંના... તેમણે ઘણું સહન કરવું પડ્યું છે. IIT અને કોલેજોએ પરીક્ષા રદ કરીને વિદ્યાર્થીઓને પ્રમોશન આપ્યું છે. UGC કન્ફ્યુઝન પેદા કરી રહ્યું છે. તેમણે પરીક્ષાઓ રદ કરવી જોઈએ અને પાછલા પરફોર્મન્સના આધારે બાળકોને પ્રમોશન આપવું જોઈએ.

તમને જણાવી દઈએ કે HRD મંત્રાલયે સોમવારે જાહેરાત કરી હતી કે યુનિવર્સિટીઓમાં છેલ્લા વર્ષની પરીક્ષા સપ્ટેમ્બરના અંતમાં લેવામાં આવશે. આ પરીક્ષાઓ જુલાઈમાં યોજાવાની હતી, પરંતુ કોરોના વાયરસ મહામારીને કારણે તેઓ સપ્ટેમ્બરના અંત સુધી સ્થગિત કરી દેવામાં આવી હતી. જો કે, UGCની નવી માર્ગદર્શિકા મુજબ, સપ્ટેમ્બરમાં છેલ્લા  વર્ષની પરીક્ષામાં ભાગ ન લેનારા વિદ્યાર્થીઓને બીજી તક મળશે અને યુનિવર્સિટીઓ તેમના માટે વિશેષ પરીક્ષા લેશે.