વિવાદ / બફાટ : રાહુલ ગાંધી ફરી વિવાદમાં ફસાયા, મોદી સમાજ વિશે ભાષાકીય ટિપ્પણી કરતાં થયો વિવાદ

કોંગ્રેસ અધ્યક્ષ રાહુલ ગાંધી અને વિવાદ જાને એક બીજાનો પર્યાય બની ગયા લાગે છે, પોતાની સ્પીચ અને વિવાદિત આક્ષેપો બાદ વારંવાર તેઓ મજાક બની રહ્યા હોય અથવા વ્યક્તિગત કોઈના વિરોધનો ભોગ બન્યા હોય તેવું જોવા મળી રહ્યું છે, પોતાના એક વિવાદિત વાક્યને લઈને ફરીવાર રાહુલ ગાંધીને વધુ એક સમન્સ પાઠવવામાં આવશે. 

સુરતની ચીફ જ્યુડિશિયલ મેજીસ્ટ્રેટની કોર્ટે દ્વારા સમન્સ પાઠવવા આદેશ કર્યો છે, મહત્વનું છે કે રાહુલ ગાંધીએ પોતાનાં ભાષણ દરમ્યાન મોદી જ્ઞાતિ વિશે એક ટિપ્પણી કરતાં વિવાદ સર્જાયો હતો, રાહુલ ગાંધીએ પોતાના ભાષણ દરમ્યાન 'મોદી' સમાજને ચોર કહેવાનાં મામલે સુરત કોર્ટમાં ભાજપના સ્થાનિક ધારાસભ્ય પૂર્ણેશ મોદીએ કોર્ટમાં અરજી કરી હતી. ત્યારે હવે આ સમગ્ર મામલે લોકસભા સ્પીકર વતી સમન્સ પાઠવવામાં આવશે,તેમજ આ મામલે આગામી 7મી જૂને સુનાવણી હાથ ધરવામાં આવશે!