IPLIN
 

રાજકારણ / ભારત જોડો યાત્રાના 1000 કિમી પૂર્ણ: રાહુલ ગાંધીની આ તસવીરોએ ખેંચ્યું દેશનું ધ્યાન

Team VTV 10:04 PM, 15 Oct 22
Follow us
RAHUL GANDHI BHARAT JODO YATRA COMPLETES 1000 KM

રાહુલ ગાંધીની ભારત જોડો યાત્રાના એક હજાર કિમી પૂર્ણ થયા છે ત્યારે જુઓ આ યાત્રા અત્યાર સુધી કેટલી સફળ રહી છે. 

  • રાહુલ ગાંધી કરી રહ્યા છે ભારત જોડો યાત્રા 
  • એક હજાર કિમીનૂ રૂટ થયો પૂર્ણ 
  • અનેક લોકો અને નેતાઓ સાથે કર્યો સંવાદ 

દેશના મોટા નેતાઓ હાલ ગુજરાતનાં પ્રવાસે આવી રહ્યા છે, ચૂંટણીને લઈને પ્રચાર તેજ થઈ ગયો છે પણ હજુ સુધી રાહુલ ગાંધી અને પ્રિયંકા ગાંધીએ રાજ્યમાં પ્રચાર શરૂ પણ નથી કર્યો. રાહુલ ગાંધી એક મહિનાથી દક્ષિણ ભારતમાં છે અને ભારત જોડો યાત્રા કરી રહ્યા છે. આ ભારત જોડો યાત્રાએ આજે એક હજાર કિમીનું અંતર પૂર્ણ કરી લીધું છે. 

1000 કિમીની યાત્રા પૂર્ણ 
તમિલનાડુથી નીકળેલી ભારત જોડો યાત્રા કેરળ અને કર્ણાટક થઈને આંધ્ર પ્રદેશ પહોંચી ગઈ છે. આ યાત્રા રાહુલ ગાંધી અને કોંગ્રેસ પાર્ટીને કોઈ ફાયદો અપાવી શકે છે કે નહીં તે તો આગામી સમયમાં જ જાણવા મળશે પણ કુલ 3,570 કિમીના રૂટમાં 1000 કિમી રાહુલ ગાંધીએ ચાલી લીધું છે. 

નોંધનીય છે કે ભારત જોડો યાત્રા દરમિયાનના ઘણા દ્રશ્યો ચર્ચાનો વિષય બન્યા હતા. જેમાં ક્યારેક રાહુલ ગાંધીએ ચાલુ વરસાદમાં ભાષણ કર્યું તો ક્યારેક ટાંકી પર ચઢીને ઝંડો લહેરાવ્યો. આટલું જ નહીં દેશભરના મોટા મોટા કોંગ્રેસ નેતાઓ આ યાત્રામાં સામેલ થવા માટે દક્ષિણ ભારત પહોંચ્યા હતા. 

અનેક દ્રશ્યોએ ખેંચ્યું દેશનું ધ્યાન 
યાત્રા દરમિયાન રાહુલ ગાંધી અનેક લોકો સાથે સંવાદ કરી રહ્યા છે, બાળકો સાથે ફૂટબોલ અને પુષઅપ કરતાં હોય તેવા વીડિયો પણ કોંગ્રેસ દ્વારા જાહેર કરવામાં આવ્યા હતા. સાથે સાથે જ્યારે સોનિયા ગાંધી યાત્રામાં સામેલ થવા માટે પહોંચ્યા હતા તે સમયે પણ માતા અને પુત્રના પ્રેમ અને હૂંફને દર્શાવતી તસવીરોએ દેશની મીડિયાનું ધ્યાન ખેંચ્યું હતું. જોકે હવે જોવાનું એ રહે છે કે ગુજરાતમાં રાહુલ ગાંધી કોંગ્રેસના પ્રચાર માટે આવે છે કે નહીં? અને ગુજરાતમાં પ્રચાર કરવા માટે મુખ્ય જવાબદારી કયા મોટા નેતાની રહેશે? 
 

IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ