દિલ્હી / સંરક્ષણ મામલાની સંસદીય સમિતિની બેઠકમાં રાહુલે જનરલ રાવતનો ઉધડો લીધો, પૂછ્યા આ સવાલ

• સંસદીય સમિતિની બેઠકમાં રાહુલ ગાંધી છવાયા 
• જનરલ રાવતને પૂછ્યા સૈન્યના રાશન અંગેના સવાલ 
• પ્રથમ વખત બેઠકમાં હાજર રહ્યા રાહુલ ગાંધી 

જ્યારે જનરલ રાવત અન્ય અધિકારીઓ સાથે કમિટી સમક્ષ હાજર  થયાં હતા. જો કે, ચોંકાવનારી વાત એ હતી કે, બેઠકમાં એક નામ રાહુલ ગાંધીનું પણ હતું. રાહુલ પ્રથમ વખત આ બેઠકમાં ભાગ લેવા માટે પહોંચ્યા હતા. ત્યારે રાહુલ ગાંધીએ પણ સીડીએસને કેટલાક સવાલો કર્યા હતા. 

CDSને રાહુલ ગાંધીએ કર્યા સવાલ 

કેન્દ્ર સરકારે રાહુલ ગાંધી પર સંસદીય સમિતિની બેઠકમાં હાજર ન રહેવા મુદ્દે નિશાન સાધ્યું છે. જો કે, શુક્રવારે તેમણે બેઠકમાં હાજર રહીને સીડીએસને કેટલા સવાલો કર્યા હતા. રાહુલે જનરલને અધિકારીઓ અને સૈનિકોને આપવામાં આવા રાશન અંગે પૂછપરછ કરી હતી. જો કે, આ મામલે રાવત અને તેમની ટીમે સ્પષ્ટ જણાવ્યું હતું કે, અધિકારીઓ અને સૈનિકોને આપવામાં આવતા ભોજનમાં કોઇ જ ફેકફાર નથી. 

અન્ય રાષ્ટ્રોની સરખામણીને ભારતની પણ કર્યા સવાલ 

ત્યારબાદ રાહુલે તરત સીડીએસને ચીન, પાકિસ્તાન, મ્યાનમાર જેવા દેશો અને ભારતમાં સેનાને મળતાના રાશન અને શિયાળાની મોસમમાં જરૂરી તુલનાઓ અંગે સવાલ કર્યો હતો. જ અંગે એક અધિકારીએ તેમને જણાવ્યું કે, સૈન્યદળોની જરૂરીયાતો અને તેમની આપૂર્તિ માટે સતત તુલનાત્મક અધ્યયન કરવામાં આવે છે જે સપ્લાઇઝને નિયમિત રીતે અપડેટ કરે છે. 

રાહુલ ગાંધીએ ફરી મોદી સરકાર પર પણ સાધ્યું નિશાન 

રાહુલ ગાંધીએ ફરી મોદી સરકાર પર નિશાન સાધ્યું છે. રાહુલ ગાંધીએ જીડીપી અને કોરોનાને લઇ મોદી સરકાર પર પ્રહાર કરતા કહ્યું કે કોવિડ સામેની મોદી સરકારની સુનિયોજિત લડાઇ છે. જીડીપીમાં ઐતિહાસિક 24 ટકાનો ઘટાડો થયો છે. દેશમા 12 કરોડ નોકરી છીનવાઇ ગઇ છે. 15.5 લાખ કરોડની વધારાની લોનનું ભારણ છે. અને વિશ્વમાં રોજ ભારતમાં સૌથી વધુ કેસ નોંધાય છે. છતા પણ સરકાર કહે છે કે બધુ બરાબર છે.