નિવેદન / દેશના ખેડૂતોએ માંગી મંડી, PM મોદીએ પકડાવી દીધી ભયંકર મંદી : રાહુલ ગાંધીનો સરકાર પ્રહાર

• PM નરેન્દ્ર મોદી પર રાહુલ ગાંધીનો વધુ એક કટાક્ષ
• દેશના ખેડૂતોએ માગી મંડી, PMએ આપી ભયાનક મંદીઃ રાહુલ
• બિહારના ખેડૂતોના અહેવાલના સંદર્ભમાં રાહુલનું ટ્વીટ

PM મોદી પર રાહુલ ગાંધીનો કટાક્ષ
    
દેશના વિવિધ સ્થળો પર ખેડૂતો નવા કાયદા મુદ્દે આંદોલન કરી રહ્યા છે ત્યારે વિપક્ષ સરકાર પર સતત પ્રહાર કરી રહ્યું છે. ખેડૂતોની સાથે રાહુલ ગાંધીએ ટ્રેક્ટર રેલીઓ પણ યોજી હતી ત્યારે ખેડૂતોને લઈને રાહુલ ગાંધીએ પીએમ મોદી પર કટાક્ષ કરતા કહ્યું કે દેશના ખેડૂતોએ માંગી હતી મંડી અને પીએમ મોદીએ પકડાવી દીધી ભયંકર મંદી. 

બિહારના ખેડૂતોના અહેવાલના સંદર્ભમાં રાહુલનું ટ્વીટ

દેશમાં કોરોના વાયરસ મહામારીના કારણે અર્થતંત્ર મુશ્કેલ પરિસ્થિતિમાંથી પસાર થઇ રહ્યું છે અને બીજી તરફ ખેડૂતો આંદોલન કરી રહ્યા છે. આ પહેલા છત્તીસગઢના એક કાર્યક્રમમાં પણ રાહુલ ગાંધીએ કહ્યું હતું કે નવા કાયદાઓ ખેડૂતો, શ્રમિકો અને દેશના પાયાને કમજોર કરી નાખશે અને મને આશા છે કે પીએમ મોદી આ નવા કાયદા પર પુનર્વિચાર કરશે. 

નોંધનીય છે કે દેશભરમાં બટાટા-ડુંગળીના ભાવ સતત વધી રહ્યા છે ત્યારે દેશના કેન્દ્રીય કૃષિ મંત્રી નરેન્દ્ર સિંહ તોમરે ગત સપ્તાહે જ કહ્યું હતું કે ડુંગળીની વધતી કિંમતોથી છૂટકારો મેળવવા માટે એક લાખ ટન બફર સ્ટોક જાહેર કરવા સહીતના કેટલાય પગલાં ભરવામાં આવી રહ્યા છે. તેમણે એમ પણ કહ્યું કે ડુંગળીની કિંમતોનો મુદ્દે સરકારના ધ્યાનમાં છે અને અમે સમય પહેલા જ દેશમાંથી ડુંગળીમાંથી નિકાસ પર રોક લગાવી હતી જ્યારે આયાતના રસ્તા ખોલ્યા છે.