કોંગ્રેસ નેતા રાહુલ ગાંધીએ કોર્પોરેટ ટેક્સ ઘટાડવાના કેન્દ્ર સરકારના નિર્ણય પર કટાક્ષ કર્યો છે. રાહુલે સરકારના આ નિર્ણયને પ્રધાનમંત્રી નરેન્દ્ર મોદીની અમેરિકામાં થનાર કાર્યક્રમ 'howdy modi' સાથે જોડતાં કહ્યું કે આવી કોઈ ઘટના કે નિર્ણય ખરાબ આર્થિક સ્થિતિને છુપાવી શકશે નહીં.
રાહુલ ગાંધીએ ટેક્સ ઘટાડા પર કર્યો કટાક્ષ
આર્થિક સ્થિતિને છુપાવી શકશે નહીં : રાહુલ ગાંધી
#howdy modi ઇવેન્ટ પર કર્યા પ્રહાર
#HowdyIndianEconomy ટેગ સાથે કરી પોસ્ટ
Amazing what PM is ready to do for a stock market bump during his #HowdyIndianEconomy jamboree.
At + 1.4 Lakh Crore Rs. the Houston event is the world's most expensive event, ever!
But, no event can hide the reality of the economic mess “HowdyModi” has driven India into.
નોંધનીય છે કે, રાહુલ ગાંધીએ ટ્વીટ કર્યું હતું કે #HowdyIndianEconomy નીચે જતા શેર બજાર માટે મોદીએ જે કર્યું તે શાનદાર છે. 1.4 લાખ કરોડ રુપિયાથી હ્યુસ્ટન ઇવેન્ટ દુનિયાની સૌથી મોંઘી ઇવેન્ટ છે. પરંતુ કોઇપણ ઇવેન્ટ આ આર્થિક સંકટની છુપાવી શકે નહીં, જેમાં હાઉડી મોદીએ ભારતને મુકી દીધું છે.
કોર્પોરેટ ટેક્સના ઘટાડાને લઇને કર્યો ઉલ્લેખ
આપને જણાવી દઇએ કે, શુક્રવારના રોજ GST કાઉન્સીલની બેઠકમાં નાણાં મંત્રી નિર્મલા સીતારમણે કોર્પોરેટ ટેક્સ ઘટાડવાનું એલાન કર્યું હતું. કોર્પોરેટ ટેક્સ ઘટાડવાથી રાજ્ય સરકારની તિજોરી પર 1.45 લાખ કરોડ રૂપિયાનો બોજ પડે છે. જેને લઇને રાહુલ ગાંધીએ આ નાણાંનો ઉલ્લેખ કરી રહ્યા છે.
પહેલા પણ હાઇડી મોદી ઇવેન્ટ પર કર્યો હતો કટાક્ષ
આ પહેલા રાહુલ ગાંધીએ અમેરિકાના હ્યુસ્ટનમાં યોજાનારી પ્રધાનમંત્રી નરેન્દ્ર મોદીની 'હાઉડી મોદી' ઇવેન્ટ પર કટાક્ષ કર્યો હતો. રાહુલે લખ્યું કે, મોદીને દેશની અર્થવ્યવસ્થાની સ્થિતિ વિશે જણાવવું જોઇએ. ગાંધીએ કટાક્ષ કરતા કહ્યું કે, મોદીજી હાઉડી ઇકોનોમી ડૂઇંગ (અર્થ વ્યવસ્થાની સ્થિતિ શું છે)? હાલમાં તે સારી દેખાઇ રહી નથી.
શેરબજારનાં સેન્સેક્સમાં ઉછાળો
GST કાઉન્સીલની બેઠક પહેલા નાણાંમંત્રી નિર્મલા સીતારમણે કેટલીક મોટી જાહેરાત કરી છે. કેન્દ્રીય મંત્રીએ કંપની અને વેપારીઓને મોટી રાહત આપતા કોર્પોરેટ ટેક્સ ઘટાડવાની વાત કરી છે. કેન્દ્ર સરકારની થોડીક મીનિટો બાદ જ શેરબજારનાં સેન્સેક્સમાં 2000 અંકોની તેજી જોવા મળી તો નિફ્ટીમાં પણ 600થી વધુ અંકની તેજી જોવા મળી. આ બજારમાં 10 વર્ષની સૌથી મોટી તેજી છે. એવામાં રોકાણકારોને પણ વેપાર દરમ્યાન 5 લાખ કરોડથી પણ વધારે નફો થયો છે.