વિરોધ / પેટ્રોલ -ડીઝલના વધતા ભાવ પર રાહુલે શરુ કર્યુ કેમ્પેઈન, જાણો ટ્વીટમાં વીડિયો શેર કરી શું લખ્યું

• પેટ્રોલ અને ડીઝલની કિંમતો અંગે રાહુલનો હલ્લા બોલ
• કોંગ્રેસ પાર્ટી આજે દેશભરમાં કરશે પ્રદર્શન  
• ચાલો #SpeakUpAgainstFuelHike અભિયાનમાં જોડાઈએ

એક વીડિયો શેર કરી રાહુલ ગાંધીએ ટ્વિટ કરીને લખ્યું કે ચાલો #SpeakUpAgainstFuelHike અભિયાનમાં જોડાઈએ. હકીકતમાં સોમવારે સવારે 10 વાગ્યે કોંગ્રેસ પાર્ટી દેશભરમાં પેટ્રોલ અને ડીઝલની વધતી કિંમતોનો વિરોધ કરી રહી છે.

આ સિવાય કોંગ્રેસના તમામ નેતાઓ, મુખ્ય પ્રધાનો અને અન્ય અધિકારીઓ આ મુદ્દે તેમના સોશ્યલ મીડિયા પર વીડિયો અપલોડ કરશે. અગાઉ પણ કોંગ્રેસ પાર્ટીએ સૈનિકો અને ચીનના મુદ્દે આ કામ કર્યું હતું.

आइये #SpeakUpAgainstFuelHike campaign से जुड़ें। pic.twitter.com/oh8AEfqM3y

— Rahul Gandhi (@RahulGandhi) June 29, 2020

સોમવારે રાહુલ ગાંધીએ ટ્વિટ કરેલા વીડિયોમાં એવું કહેવામાં આવી રહ્યું છે કે કોરોના સંકટ અને ચીન સાથે કથળતી પરિસ્થિતિ વચ્ચે સરકારે સામાન્ય માણસને તેમની ખરાબ હાલતમાં છોડી દીધો છે. તેમાં કહેવામાં આવ્યું છે કે લોકો પાસે રોજગાર નથી અને કેન્દ્ર સરકાર 21 દિવસથી દરરોજ ભાવમાં વધારો કરી રહી છે.

ઉલ્લેખનીય છે કે અગાઉ કોંગ્રેસ અધ્યક્ષ સોનિયા ગાંધીએ વડા પ્રધાન નરેન્દ્ર મોદીને આ મુદ્દે એક પત્ર લખ્યો હતો. સોનિયાએ અપીલ કરી હતી કે આ સમયે લોકોને નોકરી જઈ રહી છે, તેવા સંજોગોમાં સરકારે તાત્કાલિક વધેલા ભાવ પાછા લેવા જોઈએ.

નોંધપાત્ર વાત એ છે કે સોમવારે દિલ્હીમાં પેટ્રોલ અને ડીઝલની કિંમતમાં વધારો થયો છે. દિલ્હીમાં 5 પૈસા પેટ્રોલ વધીને 80.43 રૂપિયા અને ડીઝલ 13 પૈસા વધી 80.53 રૂપિયા પર પહોંચી ગયું છે.