નિવેદન / 'શરૂઆત બેટી બચાવોથી કરી અને હવે અપરાધીઓને બચાવી રહ્યા છે', યુપી સરકાર પર રાહુલ ગાંધીનો ટોણો

• ઉત્તર પ્રદેશમાં મહિલા સુરક્ષાને લઈને ફરીથી આક્રમક કોંગ્રેસ 
• શરૂઆત બેટી બચાવોથી કરી અને હવે અપરાધીઓને બચાવી રહ્યા છે : રાહુલ ગાંધી 
• શું યુપીના સીએમ બતાવશે આ કયા 'મિશન' હેઠળ થઇ રહ્યું છે ? : પ્રિયંકા ગાંધી વાડ્રા 

રાહુલે સોશ્યલ મીડિયામાં ઉઠાવ્યા સવાલ 

રાહુલ ગાંધીએ ટ્વિટ કરીને કહ્યું કે 'કઈ રીતે શરુ થયું-બેટી બચાવો , હવે કેવું ચાલી રહ્યું છે- અપરાધી બચાવો' રાહુલ ગાંધી બાદ તેમના બહેન અને કોંગ્રેસના મહાસચિવ પ્રિયંકા ગાંધી વાડ્રાએ પણ સરકારને આડે હાથ લીધી છે. તેમણે કહ્યું કે શું યુપીના સીએમ બતાવશે આ કયા 'મિશન' હેઠળ થઇ રહ્યું છે ? બેટી બચાવો જે પછી અપરાધી બચાવો ? ' 

How it started: बेटी बचाओ

How it’s going: अपराधी बचाओ pic.twitter.com/N7IsfU7As5

— Rahul Gandhi (@RahulGandhi) October 18, 2020

શું છે મામલો ? 

નોંધનીય છે કે ઉત્તર પ્રદેશથી એક ઘટના સામે આવી રહી છે જેમાં આરોપ છે કે ભાજપના એક ધારાસભ્ય પોતાના દીકરા સાથે એક પોલીસ સ્ટેશન પર જઈને એક યુવતી સાથે છેડતીનાં આરોપીને છોડાવીને લઇ જાય છે. આ ઘટનાના સમાચાર ટ્વિટ કરીને રાહુલ ગાંધીએ યુપી સરકાર પર હુમલો કર્યો છે. જોકે ભાજપના ધારાસભ્યનું કહેવું છે કે ઘટનાસ્થળ પર કોઈ હંગામો થયો નથી અને તેમની છવી ખરાબ કરવા માટે ખબરને ખોટી રીતે પ્રસારિત કરવામાં આવી રહી છે. 

યોગી આદિત્યનાથે શરુ કરાવ્યું મિશન શક્તિ 

બીજી તરફ એક બાદ એક મહિલા સામે અપરાધના કેસમાં વધારો થતાં યોગી સરકાર પર એક્શનમાં છે. નવરાત્રીની શરૂઆત પર યોગી આદિત્યનાથે બલરામપુરથી મિશન શક્તિની શરૂઆત કરાવી છે. ઉત્તર પ્રદેશનાં મુખ્યમંત્રીએ કહ્યું કે રાજય સરકાર દરેક દીકરી અને મહિલાનું સન્માન અને સુરક્ષા જળવાઈ રહે તે માટે તથા તેમના સ્વાવલંબન માટે કટિબદ્ધ છે. જે નારીના સ્વાભિમાનને દુષિત કરવાના પ્રયત્ન કરશે, દીકરીઓ પર ખરાબ નજર નાખશે, તેમના માટે ઉત્તર પ્રદેશની ધરતી પર કોઈ સ્થાન નથી. આ લોકો સભ્ય સમાજ માટે કલંક છે. ઉત્તર પ્રદેશ સરકાર આવા આરોપીઓથી કઠોરતાથી કામ કરશે અને આ લોકોની દુર્ગતિ નિશ્ચિત છે. 

નોંધનીય છે કે નારી સન્માન, સુરક્ષા અને સ્વાવલંબન માટે ઉત્તરપ્રદેશમાં અભિયાન શરુ કરવામાં આવ્યું છે. યોગી આદિત્યનાથે બલરામપુરથી જ 'મિશન શક્તિ'ની શરૂઆત કરાવી છે. નવરાત્રીથી જ આ અભિયાનનું શ્રીગણેશ કરાવીને યોગી આદિત્યનાથે કહ્યું કે નારી 'શક્તિ'નું પ્રતિક છે. આપણી સનાતન પરંપરામાં નારી પૂજનીય છે, વંદનીય છે. મિશન શક્તિ આ જ દિશામાં એક પ્રયત્ન છે.