પ્રહાર / રાહુલ ગાંધીનું ટ્વિટ: જ્યારે જ્યારે દેશ ભાવુક થયો ત્યારે ત્યારે ફાઈલો ગાયબ થઈ છે, એ પછી મોદી હોય કે...

• રાહુલ ગાંધી લગાતાર મોદી સરકાર પર પ્રહાર
• જ્યારે જ્યારે દેશ ભાવુક થયો છે ત્યારે ત્યારે ફાઈલો ગાયબ થઇઃ રાહુલ ગાંધી
• 6 ઓગસ્ટે લિસ્ટ થઈ હતી માલ્યાની અરજી

વિજય માલ્યા કેસની ફાઈલો ગાયબ થવા પર કોંગ્રેસના પૂર્વ અધ્યક્ષ રાહુલ ગાંધીએ મોદી સરકારને આડેહાથ લીધી છે. ટ્વીટ કરીને આ મામલે મોદી સરકારને જવાબદાર ઠેરવી છે. રાહુલ ગાંધીએ આરોપ લગાવ્યો છે કે દેશમાં જ્યારે પણ ભાવનાત્મક પરિસ્થિતિઓ પેદા થઈ છે ત્યારે ફાઇલો ગાયબ થઈ ગઈ છે.

શનિવારે રાહુલ ગાંધીએ ટ્વિટ કર્યું હતું કે, 'જ્યારે જ્યારે દેશ ભાવુક થયો છે ત્યારે ત્યારે ફાઈલો ગાયબ થઈ છે. માલ્યા હોય કે રાફેલ, મોદી હોય કે ચોક્સી... ગુમ થયેલ યાદીમાં લેટેસ્ટ છે ચીની અતિક્રમણના નવા દસ્તાવેજો. આ સંયોગ નથી, મોદી સરકારનો લોકશાહી વિરોધી પ્રયોગ છે. 

जब जब देश भावुक हुआ, फ़ाइलें ग़ायब हुईं।

माल्या हो या राफ़ेल, मोदी या चोक्सी...
गुमशुदा लिस्ट में लेटेस्ट हैं चीनी अतिक्रमण वाले दस्तावेज़।

ये संयोग नहीं, मोदी सरकार का लोकतंत्र-विरोधी प्रयोग है।

— Rahul Gandhi (@RahulGandhi) August 8, 2020

ઉલ્લેખનીય છે  કે સુપ્રીમ કોર્ટમાં ભાગેડુ વિજય માલ્યાની ફાઇલમાંથી જરૂરી દસ્તાવેજો ગાયબ થવાને કારણે, તિરસ્કારના મામલે પુર્નર્વિચાર અરજી પરની સુનાવણી 20 ઓગસ્ટ સુધી મુલતવી રાખવામાં આવી છે.

6 ઓગસ્ટે લિસ્ટ થઈ હતી માલ્યાની અરજી

વિજય માલ્યાએ સુપ્રીમ કોર્ટના આદેશની વિરુદ્ધ જઈને 4 કરોડ ડૉલર તેમના પરિવારના નામે ટ્રાન્સફર કર્યા હતાં. જે બાદ માલ્યાને 2017માં સુપ્રીમ કોર્ટે આદેશનો અનાદર કરવા બદલ અવમાનના દોષી ઠેરવ્યા હતા. જે બાદ માલ્યાએ અદાલતમાં પુનર્વિચાર અરજી દાખલ કરી હતી જે લગભગ ત્રણ વર્ષ પછી 6 ઓગસ્ટે સુનાવણી માટે લિસ્ટ કરવામાં આવી હતી, પરંતુ દસ્તાવેજ ગુમ થવાને કારણે તેને 14 દિવસ માટે મોકૂફ રાખવામાં આવી છે.

કિંગફિશર એરલાઇન્સના માલિક વિજય માલ્યાની દેશની 17 બેંકોના 9000 કરોડ રૂપિયા બાકી છે. પરંતુ માલ્યા ભારત છોડીને માર્ચ 2016 માં બ્રિટન ભાગી ગયા છે.