પ્રહાર / બ્લેક ફંગસને લઈને રાહુલ ગાંધીનો કેન્દ્ર પર હુમલો, ટ્વીટ કરી પુછ્યા આ ત્રણ તીખા સવાલ 

• બ્લેક ફંગસને લઈને રાહુલ ગાંધીના કેન્દ્રને સવાલ 
• ટ્વીટ કરીને પુછ્યા ત્રણ સવાલ 
• મોદી સરકાર પર રાહુલ ગાંધીના પ્રહાર 

દેશમાં કોરોના સંક્રમણની રફતાર હવે ધીમી થઈ રહી છે. જોકે કોરોના સંક્રમણથી થતા મોતના આંકડા હજુ પણ ડરાવનારા છે. આ વચ્ચે વિપક્ષની તરફથી કોરોના મેનેજમેન્ટ અને વેક્સિનેશનનની નીતિને લઈને સતત કેન્દ્ર સરકાર પર પ્રહાર કરવામાં આવી રહ્યા છે. રાહુલ ગાંધીએ ફરી એક વખત સરકાર પર નિશાન સાધ્યું છે. આ વખતે તે બ્લેક ફંગસને લઈને કેન્દ્ર પર સવાલ ઉઠાવી રહ્યા છે. 

ટ્વીટ કરીને રાહુલે પુછ્યા આ ત્રણ સવાલ 

Black fungus महामारी के बारे में केंद्र सरकार स्पष्ट करे-

1. Amphotericin B दवाई की कमी के लिए क्या किया जा रहा है?

2. मरीज़ को ये दवा दिलाने की क्या प्रक्रिया है?

3. इलाज देने की बजाय मोदी सरकार जनता को औपचारिकताओं में क्यों फँसा रही है?

— Rahul Gandhi (@RahulGandhi) June 1, 2021

રાહુલ ગાંધીએ એક ટ્વીટ કરીને કેન્દ્ર સરકારને 3 સવાલ પુછ્યા છે. તેમણે- લખ્યું- "બ્લેક ફંગસ મહામારી વિષે કેન્દ્ર સરકાર સ્પષ્ટ કરે 1- Amphotericin B દવાની અછત માટે શું કરવામાં આવી શકે છે? 2. દર્દીઓને આ દવા આપવા માટે શું પ્રોશેસ છે? 3. સારવાર આપવાની જગ્યા પર મોદી સરકાર ફોર્માલીટ્સમાં કેમ ફસાઈ રહી છે. "

પીએમ મોદી પર રાહુલ ગાંધીનો  આરોપ 

Modi Govt’s non vaccination strategy is a dagger in Bharat Mata’s heart.

Tragic truth.

— Rahul Gandhi (@RahulGandhi) May 31, 2021

આ પહેલા સોમવારે કોંગ્રેસના પૂર્વ અધ્યક્ષ રાહુલ ગાંધીએ આરોપ લગાવ્યો હતો કે કેન્દ્ર સરકારની શૂન્ય વેક્સિનેશનની નીતિ ભારત માતાના હૃદય પર ખંજર ભોકવાનું કામ કરી રહી છે. તેમણે મહામારીની બીજી લહેરમાં બેરોજગારી વધવાને લઈને પણ પ્રધાનમંત્રી નરેન્દ્ર મોદી પર નિશાન સાધ્યો છે.