નિવેદન / રાહુલે લોકોને પૂછ્યું, ભાજપની આવક 50 ટકા વધી, અને તમારી? યૂઝર્સે આપ્યાં મજાના જવાબ

• કોંગ્રેસ નેતા રાહુલ ગાંધીએ સોશિયલ મીડિયા પર એક સવાલ પૂછ્યો
• ટ્વિટ કરીને લોકોને પૂછ્યું કે તમારી આવક કેટલી વધી 
• ભાજપની આવક તો 50 ટકા વધી છે
• લોકોએ આપ્યા જાતજાતના જવાબ 

એસોશિએશન ફોર ડેમોક્રેટિક રિફોર્મ્સના એક રિપોર્ટના આંકડાને આધારે ભાજપ પર નિશાન સાધતા રાહુલ ગાંધીએ આ સવાલ લોકોને પૂછ્યો. એડીઆરે તેના રિપોર્ટમાં જણાવ્યું હતું. નાણાકીય વર્ષ 2019-20 માં ભાજપના ચૂંટણી ફંડમાં 50 ટકાનો વધારો થયો છે. એડીઆરે જણાવ્યું હતું કે 2019-20 માં ભાજપની આવક 3623.28 કરોડ હતી.

BJP’s income rose by 50%.
And yours?

BJP की आय 50% बढ़ गयी।
और आपकी? pic.twitter.com/Q5HEISACDJ

— Rahul Gandhi (@RahulGandhi) August 28, 2021

રાહુલ ગાંધીના ટ્વિટ પર લોકોએ આપી પ્રતિક્રિયાઓ
રાહુલ ગાંધીએ દેશની મોંઘવારી, બેરોજગારી, ફૂગાવો, કોરોના વેક્સિનની અછત, અને ઈકોનોમીના મુદ્દે મોદી સરકાર પર આકરા પ્રહાર કર્યાં. 
રાહુલે ટ્વિટ કરીને જણાવ્યું કે ભાજપની આવક તો 50 ટકા વધી ગઈ છે અને તમારી કેટલી વધી? રાહુલ ગાંધીના આ સવાલ પર લોકો જાતજાતની પ્રતિક્રિયાઓ આપી રહ્યાં છે. કેટલાક લોકોએ રાહુલને તેમની આવક અંગે પણ જણાવ્યું હતું તો બીજા કેટલાક યુઝર્સે ઉલટાનું રાહુલ પર કટાક્ષ કર્યો હતો. 

કોંગ્રેસની આવકમા મોટો ઘટાડો
એડીઆરના રિપોર્ટમાં ગત નાણાકીય વર્ષમાં કોંગ્રેસને 682.21 કરોડનું દાન મળ્યું હતું જે ભાજપ કરતા પાંચ ગણું ઓછું છે. જોકે કોંગ્રેસે તેનો ખર્ચ 998.03 કરોડ રુપિયા વધારી દીધું હતું. રિપોર્ટથી જાણકારી મળી છે કે કોંગ્રેસની આવક 2018-19 માં 918.03 કરોડથી લગભગ 25 ટકા ઘટીને 2019-20 માં 682.21 કરોડ રુપિયા થઈ ગઈ હતી.