હાથે પકડ ગુમાવી / રાહુલ ગાંધી અને પ્રિયંકા વાડ્રાનો ફ્લોપ શો યથાવત, સૌથી જૂની પાર્ટીની શરમજનક સ્થિતિ, ફરી એક રાજ્ય ગુમાવ્યું 

• સૌથી જૂની પાર્ટીની શરમજનક સ્થિતિ
• પાંચેય રાજ્યોમાં કંગાળ પ્રદર્શન
• જનાધાર ગયો રસાતળ

દેશની સૌથી જૂની પાર્ટી ચૂંટણી પ્રદર્શનમાં અત્યંત શરમજનક સ્થિતિમાં મૂકાઈ ગઈ છે. ખાસ કરીને ઉત્તર પ્રદેશમાં કોંગ્રેસ મહાસચિવ પ્રિયંકા ગાંધી દ્વારા કમાન સંભાળવા છતાં કોંગ્રેસનો વોટ શેર ઘટીને અડધો થઈ ગયો  છે. યુપીમાં કોંગ્રેસ ખસીને પાંચમાં સ્થાને પહોંચી ગઈ છે. તો રાહુલ ગાંધીએ જે ચાર રાજ્યોમાં પ્રચાર કમાન સંભાળી હતી ત્યાં પણ કોંગ્રેસનું પ્રદર્શન કંગાળ રહ્યું છે.પંજાબમાં આપના ઝાડુએ કોંગ્રેસને વામણી કરી નાખી છે.

સૌથી જૂની પાર્ટીની શરમજનક સ્થિતિ
પાંચ રાજ્યોમાં થયેલ વિધાનસભા ચૂંટણી કોંગ્રેસ માટે સૌથી ખરાબ સાબિત થઈ છે. કોગ્રેસે જ્યાં પંજાબમાં પોતાની સત્તા ગુમાવી દીધી છે ત્યાં કોંગ્રેસ ગોવા અને ઉત્તરાખંડમાં પણ સત્તામાં વાપસી કરવામાં નિષ્ફળ રહી છે. બીજા શબ્દોમાં કહીએ તો દેશની સૌથી જૂની પાર્ટી ચૂંટણી પ્રદર્શનમાં અત્યંત શરમજનક સ્થિતિમાં મૂકાઈ ગઈ છે. ખાસ કરીને ઉત્તર પ્રદેશમાં કોંગ્રેસ મહાસચિવ પ્રિયંકા ગાંધી દ્વારા કમાન સંભાળવા છતાં કોંગ્રેસનો વોટ શેર ઘટીને અડધો થઈ ગયો  છે. યુપીમાં કોંગ્રેસ ખસીને પાંચમાં સ્થાને પહોંચી ગઈ છે. ગયા વખતે આ રાજ્યમાં કોંગ્રેસ સાત સીટો પર જીત મેળવવામાં સફળ રહી હતી પરંતુ આ વખતે તેનુ પ્રદર્શન વધુ નબળુ થઈ ગયુ છે. કોંગ્રેસ આટલા મોટા રાજ્યમાં માત્ર 2 સીટ જ મેળવી શકી છે.

કામ ન લાગી પ્રિયંકાની વ્યૂહરચના
આપને જણાવી દઇએ કે, આ  વખતે કોંગ્રેસના સંપૂર્ણ ચૂંટણી અભિયાનની કમાન રાહુલ ગાંધી અને પ્રિયંકા ગાંધીએ સંભાળી હતી.ચાર  રાજ્યોમાં રાહુલે પ્રચાર કર્યો હતો.જ્યારે ઉત્તર પ્રદેશની કમાન કોંગ્રેસ મહાસચિવ પ્રિયંકા ગાંધીએ ચૂંટણીની કમાન સંભાળી હતી. ત્યારબાદ માનવામાં આવી રહ્યુ હતુ કે તે પાર્ટીને રાજ્યમાં પુનર્જીવિત કરી શકે છે. ત્યારબાદ પ્રિયંકાએ યુપીમાં મહિલા વોટરોને આકર્ષિત કરવા માટે `લડકી હૂં લડ સકતી હું' કેમ્પેઈન શરુ કર્યુ હતુ. ત્યાર બાદ એવું માનવામાં આવતું હતું કે, આ ચૂંટણીમાં પાર્ટીનો જનાધાર વધશે પરંતુ.તેનાથી સાવ વિપરિત યૂપીમાં કોંગ્રેસનો જનાધાર સાવ રસાતળ થઈ ગયો. પાંચેય રાજ્યોમાં કોંગ્રેસની નાલેશી ભરી હારની વાત કરીએ તો કોંગ્રેસ ઉત્તર પ્રદેશમાં 3% મત મેળવવામાં પણ નિષ્ફળ રહી છે, પંજાબમાં 2017માં મળેલો 38.5% વોટ શેર 2022માં ઘટીને 23.3% થઈ ગયો છે, તો મણિપૂરમાં 2017માં મળેલો 35.1% જનાધાર 2022માં 17% થઈ ગયો છે, તો  ગોવા અને ઉત્તરાખંડમાં પણ વોટ શેરમાં ભારે ઘટાડો નોંધાયો છે 

નેતાગીરી સુપરફ્લોપ સાબિત થઈ
સામે આવી ગયેલા લેટેસ્ટ પરિણામોથી લાગી રહ્યુ છે કે કોંગ્રેસ ઉત્તર પ્રદેશમાં પોતાને બેઠી કરવામાં નિષ્ફળ રહી છે. વળી, પ્રિયંકા ગાંધીની રણનીતિ પણ પાર્ટીને રાજ્યમાં કોઈ ખાસ ફાયદો અપાવવામાં સફળ થઈ શકી નથી. ઘણા લોકોનુ માનવુ છે કે જો કોંગ્રેસે પ્રિયંકા ગાંધીને યુપીના સીએમ ઉમેદવાર બનાવી દીધા હોત તો પરિણામ સારા હોત. પરંતુ હવે તો પરિણામ સામે છે.આ આખા ચૂંટણી પ્રચારમાં પ્રિયંકા ગાંધીએ ઉત્તર પ્રદેશમાં 209થી વધુ રેલીઓ  અને 49 રોડ શો કર્યા હતા. રોડશો અને સભાની બાબતમાં તેમણે અખિલેશ યાદવ અને યોગી આદિત્યનાથને પણ પાછળ છોડી દીધા હતા, તેમણે 40% મહિલા ઉમેદવારોને ટિકિટ આપી હતી GFX OUT પરંતુ તેમ છતાં ધાર્યું પરિણામ  મળ્યું નહીં. આ પરિણામોથી એ સ્પષ્ટ થઈ ગયું છે કે, પાંચેય રાજ્યોમાં પ્રિયંકા અને રાહુલ ગાંધીના નેતૃત્વને મતદારોએ નકારી દીધું છે.તેમની નેતાગીરી સુપરફ્લોપ સાબિત થઈ છે. છેલ્લાં 17 વર્ષથી કોંગ્રેસની રાજનીતિનો એક મોટો ચહેરો રહેલા પ્રિયંકાને 2019માં રાષ્ટ્રીય મહાસચિવ બનાવવામાં આવ્યા હતા.હરકોઈને લાગતું હતું કે, તેઓ કોંગ્રેસના ડૂબતા જહાજને કિનારા સુધી લઈ જશે.પરંતુ આ તાજા પરિણામોએ કોંગ્રેસની આશા પર પાણી ફેરવી દીધું.

કોંગ્રેસની આશા ફરી વળ્યું પાણી
જો કે, કોંગ્રેસ ભલે યુપીમાં કંઈ ના કરી શકી પરંતુ પ્રિયંકાએ કોંગ્રેસને જૂની ઓળખ સાથે જોડવાની કોશિશ કરી છે. દલિતો અને સવર્ણોને પાર્ટી સાથે જોડવાની તેમની કોશિશ જમીની ધરાતલ પર દેખાઈ. લખીમપુર ખીરી કાંડ અને આગ્રામાં દલિતની હત્યા બાદ તેમના તેવરોએ કોંગ્રેસ કાર્યકર્તાઓમાં અનેરો ઉત્સાહ ભરવામાં સફળતા મેળવી. જો કે, તેમ છતાં પણ તે દલિત વોટ મેળવવામાં નિષ્ફળ રહ્યા. ત્યારે હવે આ પરિણામોથી ડૂબી રહેલી કોંગ્રેસે કંઈક તો ધડો મેળવવો જ પડશે.