કોંગ્રેસ / રાહુલ ગાંધી અને પ્રિયંકા ગાંધીએ તિહાડ જેલમાં પી. ચિદમ્બરમ સાથે મુલાકાત કરી

• INX મીડિયા કેસમાં ચિદમ્બરમની કરાઇ છે ધરપકડ
• તિહાડ જેલમાં રાહુલ-પ્રિયંકાએ કરી મુલાકાત

આ અગાઉ કોંગ્રેસના નેતા શશી થરૂર, મનીષ તિવારી અને કાર્તિ ચિદમ્બરમ પૂર્વ નાણામંત્રી પી. ચિદમ્બરમને સોમવારે તિહાડ જેલમાં મળવા પહોંચ્યા હતા. આ મુલાકાત  બાદ શશી થરૂરે ટવ્ટિ કર્યું હતું અને કહ્યું હતું કે ચિદમ્બરમ મજબૂત અને સારા મિજાજામાં જોવા મળ્યાં. 

શશી થરૂરે સોમવારે મુલાકાત બાદ કહ્યું હતું કે તેમને 98 દિવસની જેલની સજા હાસ્યાસ્પદ વાત છે, આવતી કાલે (મંગળવાર) બંધારણ દિવસ છે, પરંતુ ચિદમ્બરમની સ્વતંત્રતાનો અધિકાર ક્યાં છે? આ આપણા લોકતંત્ર અંગે શું સંકેત કરે છે?

આ અગાઉ અંદાજે એક મહિના પહેલા કોંગ્રેસના કાર્યકારી અધ્યક્ષ સોનિયા ગાંધી અને પૂર્વ પ્રધાનમંત્રી મનમોહન સિંહે પી. ચિદમ્બરમ સાથે તિહાડ જેલમાં મુલાકાત કરી હતી. કોંગ્રેસ પાર્ટીના નેતાઓ દાવો કરી રહ્યાં છે કે ચિદમ્બરમનું વજન ત્રણ મહીનાની અંદર 10 કિલો જેટલું ઘટ્યું છે. 

પી. ચિદ્દમ્બરમની CBI એ 21 ઓગસ્ટના રોજ ધરપકડ કરી હતી. 5 સપ્ટેમ્બરના ન્યાયિક હિરાસતમાં મોકલવામાં આવ્યા. ત્યાર બાદથી INX મીડિયા કેસમાં ઇડી દ્વારા ધરપકડ કરવામાં આવી.