ચૂંટણી / રાહુલ આઠ વર્ષ પહેલાં અમૂલ બેબી હતા, આજે પણ છેઃ અચ્યુતાનંદ

(એજન્સી) તિરુવનંતપુરમ: કેરળથી લોકસભા ચૂંટણી લડવાના ફેંસલા માટે કોંગ્રેસ અધ્યક્ષ રાહુલ ગાંધી પર સખત પ્રહાર કરતાં રાજ્યના પૂર્વ મુખ્યપ્રધાન અને વરિષ્ઠ કોમ્યુનિસ્ટ નેતા વી.એસ. અચ્યુતાનંદે કહ્યું કે તેમણે પહેલાં રાહુલ ગાંધીને 'અમૂલ બેબી' કહ્યા હતા. આ વાત આજે પણ એટલી જ લાગુ થાય છે.

માર્ક્સવાદી કોમ્યુનિસ્ટ પાર્ટીના સંસ્થાપક સભ્યોમાંથી એક ૯૫ વર્ષીય અચ્યુતાનંદે પોતાની એક ફેસબુક પોસ્ટમાં કહ્યું કે એપ્રિલ-૨૦૧૧માં તેમણે રાહુલ ગાંધીને જ્યારે 'અમૂલ બેબી' કહ્યું હતું ત્યારે તે કારણ વગરનું ન હતું. તેમણે લખ્યું હતું કે મેં તેમને કારણ વગર આમ કહ્યું ન હતું. રાહુલ ગાંધીએ રાજકારણમાં જે ભોળપણ બતાવ્યું છે તે કારણે મેં તેમના વિશે આ વાત કહી હતી અને આજે જ્યારે રાહુલે વાયનાડથી ચૂંટણી લડવાનો નિર્ણય કર્યો હતો ત્યારે મારી વાત આજે પણ એટલી જ સાચી પડી.

આજે રાહુલ અડધી ઉંંમરે પહોંચી ચૂક્યા છે અને તેમની બાળક જેવી બુદ્ધિ હજુ પણ પ્રદર્શિત થઈ રહી છે અને તે પણ એવા સમયે જ્યારે દેશ ભયાનક ભાજપના રૂપમાં સૌથી મોટી સમસ્યાનો સામનો કરી રહ્યું છે. આ સમયે જરૂર તેમની સાથે લડવાનું છે.

અચ્યુતાનંદે લખ્યું હતું કે ધર્મનિરપેક્ષ પક્ષો સાથે હાથ મિલાવવાના બદલે ગાંધી જેની વાત કોંગ્રેસમાં અંતિમ માનવામાં આવે છે તેણે દિલ્હીમાં આમ આદમી પાર્ટી સાથે હાથ ન ‌િમલાવ્યો અને અહીં દક્ષિણમાં જ્યાં સીપીએમ ભાજપ સાથે મુકાબલો કરી રહી છે તેમણે વામ મોરચા સામે લડવાનું નક્કી કર્યું અને વાયનાડ ઘાટ રોડને ચૂંટણી લડવા માટે પકડ્યો. આ તો જે ઝાડ પર બેઠા હોય તેની ડાળી કાપવા જેવી મૂર્ખામી છે.