સર્વે / લૉકડાઉનમાં લોકોની મદદ કરનાર ટોપ-10 સાંસદમાં ત્રીજા નંબર પર રાહુલ ગાંધી, જુઓ ભાજપના કેટલા નેતાનું નામ

• દેશમાં માર્ચ મહિનામાં લાગુ કરવામાં આવ્યું હતું લોકડાઉન 
• લોકડાઉનમાં લોકોની મદદે આવ્યા હતા સાંસદો 
• રાહુલ ગાંધીને ટોપ 10 સાંસદોમાં મળ્યું ત્રીજું સ્થાન 

લોકડાઉનમાં કોણે કરી વધારે મદદ ? 

કોરોના વાયરસના કારણે દેશભરમાં માર્ચ મહિનામાં લોકડાઉન લગાવી દેવામાં અવાયું હતું.  આ લોકડાઉનના કારણે સામાન્ય જનતાએ ઘણી બધી સમસ્યાનો સામનો કરવો પડ્યો હતો અને એવામાં ઘણા બધા સમાજપ્રેમીઓ, સામાન્ય લોકો, સેવાભાવી સંસ્થાઓ ગરીબોની વ્હારે આવ્યા હતા. ઘણા બધા નેતા અને સાંસદો-ધારાસભ્યો
પણ લોકોની વહારે આવ્યા હતા ત્યારે તેમાં કયા સાંસદે સૌથી વધારે મદદ કરી છે તેના પર એક સર્વે બહાર પાડવામાં આવ્યો છે.

ત્રીજા સ્થાન પર રાહુલ ગાંધી 

એક સર્વેમાં સામે આવ્યું છે કે લોકડાઉનમાં પોતાના સંસદીય ક્ષેત્રના લોકોને મદદ કરવામાં ટોપ 10 સાંસદોમાં પૂર્વ કોંગ્રેસ અધ્યક્ષ અને વાયનાડના સાંસદ રાહુલ ગાંધીને ત્રીજું સ્થાન મળ્યું છે. 

ભાજપના પણ ઘણા બધા સાંસદો છે યાદીમાં 

આ સર્વે દિલ્હીના સિટીઝન ઈંગેજમેન્ટ પ્લેટફોર્મ ગવર્નાઈ દ્વારા આ સર્વે કરવામાં આવ્યો છે જેમાં લોકોની મદદ કરનારા સાંસદોમાં પહેલું સ્થાન ઉજ્જૈનના ભાજપ સાંસદ અનિલ ફિરોજિયાને આપવામાં આવ્યું છે જ્યારે બીજા નંબર પર YSRCpના સાંસદ અદાલા પ્રભાકર રેડ્ડી છે, ત્રીજા નંબર પર કોંગ્રેસના મોટા નેતા રાહુલ ગાંધીનું નામ આવે છે. 

પાંચમા નંબર પર તેજસ્વી સૂર્યાનું નામ 

આ સૂચિમાં ચોથા સ્થાન પર મમતા બેનરજીની પાર્ટીના સાંસદ મહુઆ મોઈત્રાનું નામ આવે છે જ્યારે પાંચમા સ્થાન પર એલએસ તેજસ્વી સૂર્યાનું નામ આવે છે. છઠ્ઠા સ્થાન પર શિવસેન સાંસદ હેમંત તુકારામ ગોડસે જ્યારે સાતમા પર શિરોમણી અકાલી દળના સાંસદ સુખબીર સિંહ બાદલ આવે છે. આઠમા પર ભાજપ સાંસદ શંકર લાલવાની, નવમા સ્થાને ડૉ. ટી સુમાથી અને દસમા સ્થાન પર નીતિન ગડકરી આવે છે.