લોકસભા ચૂંટણી / રાહુલ ગાંધીનું હરિયાણામાં સંબોધન, અમેઠીમાં મહિલા કાર્યકર્તાઓ સાથે બેઠક

કોંગ્રેસ અધ્યક્ષ રાહુલ ગાંધી આજે હરિયાણામાં રેલીને સંબોધન કરશે. હરિયાણાના ગુરુગ્રામમાં રાહુલ ગાંધી જનસભાને સંબોધન કરશે. જેમાં રાહુલ ગાંધી કેપ્ટન અજય યાદવ માટે રેલી કરશે. રાહુલ ગાંધી હરિયાણાના ગુરુગ્રામ, મહેન્દ્રગઢ અને રોહતકમાં કોંગ્રેસ ઉમેદવાર માટે પ્રચાર કરશે. આ ઉપરાંત પ્રિયંકા ગાંધી પણ ફરીદાબાદ અને અંબાલામાં રોડ શો કરવાના છે.
 

આ અગાઉ રાહુલ ગાંધી ફરીદાબાદઅને અંબાલામાં પ્રચાર કરી ચૂક્યા છે. આ ઉપરાંત કોંગ્રેસ અધ્યક્ષ રાહુલ ગાંધી અમેઠીમાં પણ જશે જ્યાં તેઓ મહિલા કાર્યકર્તાઓ સાથે બેઠક કરશે. જ્યારે બીજી બાજુ હાઇપ્રોફાઇલ સીટ પર મતદાન પહેલા ગાંધી પરિવારના ગઢ અમેઠી અને રાયબરેલીમાં ભાજપ આજે રોડશો કરશે. આજરોજ અમેઠીમાં અમિત શાહ તો રાયબરેલીમાં સની દેઓલ ભાજપ માટે રોડશો કરશે.
 

ઉલ્લેખનીય છે કે, 5માં તબક્કાના પ્રચાર માટે આજે અંતિમ દિવસ છે. પાંચમાં તબક્કામાં 7 રાજ્યોમાં 51 લોકસભા સીટ પર મતદાન થશે. જેમાં યૂપીની 14 સીટો પણ છે. અમેઠીનો ઇતિહાસ કહી રહ્યો છે કે આ વખતે પ્રથમ વખત છે જ્યારે નેતાથી લઇને આમ જનતા અને ઉમેદવારને લઇને રાજકીય વિશ્લેષક અહીંના પરિણામને લઇને કાંઇપણ કહેવાની સ્થિતિમાં નથી.