સ્પોર્ટ્સ / શ્રીલંકા સામેની મૅચમાં રાષ્ટ્રગીત વખતે કેમેરામેનની આ કરામતે ભારતીયોનું દિલ જીતી લીધું

• શ્રીલંકા સામેની મેચમાં કેમરામેનની કરામત 
• સોશ્યલ મીડિયામાં થઈ વાહ વાહ 
• રામને દ્રવિડની કોચિંગ પર આપ્યુ મોટું નિવેદન   

ભારતે શ્રીલંકાને એકતરફી હરાવી 

ભારત અને શ્રીલંકા વચ્ચેની પ્રથમ મેચમાં ભારતે એકતરફી જીત મેળવી લીધી છે પરંતુ ભારતીયો મેચના બદલે રાષ્ટ્રગીત વખતે કેમેરામેને કરેલી કરામતને લીધે વધારે ઉત્સાહમાં આવી ગયા હતા. મેચ રમ્યા વગર પણ મેચમાં દ્રવિડનો પ્રભાવ જોવા મળી રહ્યો છે. આ વાતની ખાતરી કેમેરામેને કરી જ્યારે   રાષ્ટ્રગીતમાં "દ્રવિડ ઉત્કલ બંગ"નો ઉલ્લેખ થતાં જ કેમેરમેને કેમેરાને દ્રવિડ તરફ કરી દીધો હતો.

The cameraman panned to Dravid when the anthem went 'Dravida Utkala Banga'. Give this man a promotion! #INDvSL

— Manya (@CSKian716) July 18, 2021

રાષ્ટ્રગીતમાં દ્રવિડ શબ્દ આવતા જ દ્રવિડ સ્ક્રીન પર 

પ્રથમ મેચમાં ક્રિકેટના ચાહકો યંગ ખેલાડીઓને રમતા જોવા કરતાં ધ વૉલ તરીકે પ્રખ્યાત એવા રાહુલ દ્રવિડને આ ટીમને લીડ કરતાં જોવામાં વધારે આતુર હતા. માત્ર ચાહકો જ નહી પરંતુ કેમેરામેન પણ પોતાની ઉત્સુકતા છુપાવી ન શક્યો. રાષ્ટ્રગીતમાં દ્રવિડ શબ્દ આવતા જ રાહુલ દ્રવિડને સ્ક્રીન પર જોવાથી ચાહકો સોશ્યલ મીડિયા પર પોસ્ટ કરીને પોતાની ખુશી વ્યક્ત કરી રહ્યા છે. કેમેરામેનની આ ચાલાક કારીગરીની ચાહકોએ ટ્વિટર પર ખૂબ જ પ્રશંસા કરી છે. 

Smart camerawork to pan to Rahul Dravid when "Dravida Utkala Banga" was being sung in the Indian national anthem. #SLvIND

— Vinayakk (@vinayakkm) July 18, 2021

મહિલા ટીમના કોચ રામને આપ્યું મોટું નિવેદન 

ભારતના પૂર્વ ખેલાડી અને મહિલા ટીમના કોચ રામને ચોંકાવનારું નિવેદન આપતા કહ્યું કે, ટૂંક જ સમયમાં રાહુલ દ્રવિડ ભારતીય ટીમના હેડ કોચ બની જશે. હાલમાં ભારતીય ટીમના કોચ રવિ શાસ્ત્રી છે પરંતુ રામનના આ નિવેદનથી શાસ્ત્રીનું પત્તુ કપાવાની શક્યતા વધી ગઈ છે. ચાહકો રામનના આ નિવેદનથી ઘણા પ્રભાવિત થયા છે કારણ કે, શાસ્ત્રીની કોચીંગમાં ભારત વિશ્વકપની નોક-આઉટ મેચમાં સારું પ્રદર્શન નથી કરી રહ્યું. જો દ્રવિડ ટીમ સાથે જોડાય તો ભારતની તકદીર ચોક્કસપણે બદલાઈ શકે છે.   

The national anthem sais Dravid and Rahul Dravid came up on screen, well done cameraman 😂#SLvsIND #SLvIND #INDvSL

— Roshan Rai (@ItsRoshanRai) July 18, 2021

Don't know who controls the feed, but whoever it is, well done on showing Rahul Dravid with 'Dravida Utkal Banga' from the National Anthem getting played#SLvIND #LittleThings

— Nish Navalkar (@YUVI_NISH) July 18, 2021

The cameraman panned to Dravid when the anthem went 'Dravida Utkala Banga'. Absolutely smooth.#SLvIND

— Manish K Pathak (@manishpathak187) July 18, 2021

દ્રવિડની કોચીંગમાં ભારત અંડર-19નો ખિતાબ જીતેલું

સર્વપ્રથમ રાહુલ દ્રવિડને જ ભારતીય ટીમના હેડ કોચ બનવા માટે અરજી કરવામાં આવી હતી પરતું દ્રવિડે, "હું પહેલા ભારતની અંડર 19 ટીમને કોચ કરવા માંગુ છું"   એમ કહીને આ અરજીને નકારી દીધી હતી. રામનના આ નિવેદન થી એક વાત તો સ્પષ્ટ છે કે, દ્રવિડ હવે ભારતીય ટીમના કોચ બનવા માટે અરજી કરી શકે છે. કોચ તરીકે દ્રવિડનો રેકોર્ડ ખૂબ જ સારો છે. દ્રવિડની કોચિંગમાં જ ભારતે 2018માં અંડર-19 વિશ્વકપ જીત્યો હતો. પૃથ્વી શૉ, શુભમન ગિલ જેવા ખેલાડીઓને તૈયાર કરવામાં પણ દ્રવિડનું મુખ્ય યોગદાન છે.