નિયુક્તી / BIG BREAKING : રવિ શાસ્ત્રીની ટીમ ઇન્ડિયાના હેડ કોચથી હકાલપટ્ટી, રાહુલ દ્રવિડની કરાઈ પસંદગી

• રાહુલ દ્રવિડ બન્યા  ટીમ ઈન્ડીયાના નવા કોચ 
• BCCIએ કરી જાહેરાત
• રવિ શાસ્ત્રીનું સ્થાન સંભાળશે

BCCIએ ટ્વીટ કરીને જણાવ્યું કે રાહુલ દ્રવિડની ટીમ ઈન્ડીયાના હેડ કોચ તરીકે નિયુક્તી કરાઈ છે. રાહુલ દ્રવિડ ન્યૂઝીલેન્ડ સામેની હોમ સીરિઝથી હેડ કોચ તરીકેનો ચાર્જ સંભાળશે. 

Rahul Dravid has been appointed the Head Coach of Team India (Senior Men). The former India captain will take charge from the upcoming home series against New Zealand: BCCI pic.twitter.com/tHBGwfjb00

— ANI (@ANI) November 3, 2021

ટીમ ઈન્ડિયાના કોચ બનવું ખૂબ ગૌરવની વાત

ટીમ ઇન્ડિયાના કોચ બન્યા બાદ રાહુલ દ્રવિડે નિવેદન જારી કર્યું છે. રાહુલ દ્રવિડે કહ્યું છે કે ટીમ ઈન્ડિયાના કોચ બનવું ખૂબ ગર્વની વાત છે. રવિ શાસ્ત્રીની આગેવાની હેઠળની ટીમ ઇન્ડિયાએ શાનદાર કામ કર્યું છે, જેને આગળ વધારવાનો પ્રયાસ કરીશ. મેં ઇન્ડિયા એ, યુ-19 અને એનસીએમાં ઘણા ખેલાડીઓ સાથે કામ કર્યું છે, તેથી તેમની સાથે કામ કરવામાં મજા આવશે. આગામી બે વર્ષમાં મોટી ઇવેન્ટ્સ છે, તમામ ખેલાડીઓ અને સપોર્ટ સ્ટાફ સાથે મળીને અમે લક્ષ્ય પૂર્ણ કરવાનો પ્રયાસ કરીશું.

રાહુલ દ્રવિડ ક્રિકેટને નવી ઊંચાઈએ લઈ જશે-ગાંગુલી 

આ પ્રસંગે બીસીસીઆઈપ્રમુખ સૌરવ ગાંગુલીએ પણ નિવેદન જારી કર્યું હતું. સૌરવ ગાંગુલીએ કહ્યું છે કે અમે રાહુલ દ્રવિડનું સ્વાગત કરીએ છીએ, એક ખેલાડી તરીકેનો તેમનો રેકોર્ડ તેજસ્વી અને તેમના મહાન ખેલાડીઓ છે. તેમણે એનસીએના વડા તરીકે એક મહાન કાર્ય કર્યું છે. અમને આશા છે કે તેઓ ભારતીય ક્રિકેટને ઉંચાઈ પર લઈ જશે.

રાહુલ દ્રવિડની ક્રિકેટ કારકિર્દી 
કુલ ટેસ્ટ : 164, 13288 રન,
36 સદી, 52.31 સરેરાશ કુલ વન ડેઃ 344, 10889 રન, 12 સદી, 39.16 સરેરાશ