INDvsSA / આ ગુજરાતી ક્રિકેટરને ખરાબ પ્રદર્શન છતાં કોચ રાહુલ દ્રવિડે પીઠ થાબડી વધાર્યો જુસ્સો, Video વાયરલ

ભારત અને દક્ષિણ આફ્રિકા વિરુદ્ધ ટેસ્ટ સિરીઝની સેન્ચુરિયનમાં રમાઈ રહેલી પહેલી મેચમાં પ્રથમ બેટિંગ કરી રહેલી ટીમ ઈન્ડિયાનું પ્રદર્શન મેચના પહેલા દિવસે સારુ રહ્યું હતું. 

રાહુલની સદી 
પહેલા બેટિંગ કરતાં DAY-1 સ્ટમ્પ્સ સુધી ભારતનો સ્કોર 272/3 રહ્યો છે. જોકો આ મેચમાં ચેતેશ્વર પૂજારા ફરીથી ખરાબ ફોર્મમાં જોવા મળ્યો હતો અને પહેલા બોલ પર જ આઉટ થઈ જતા ટીમ મુશ્કેલીમાં મુકાઈ ગઈ હતી. પૂજારા છેલ્લા કેટલાક્ સમયથી ખરાબ ફોર્મમાંથી પસાર થઈ રહ્યો છે અને હવે વધૂ એક વખત તે ડક પર આઉટ થતાં તે પોતે જ પોતાના પ્રદર્શનથી નારાજ થયો હતો. 

રાહુલ દ્રવિડે વધાર્યો જુસ્સો 
આઉટ થયા બાદ ચેતેશ્વર પૂજારા જ્યારે ડ્રેસિંગ રૂમ તરફ ગયો ત્યારે ટીમના હેડ કોચ રાહુલ દ્રવિડે તેની પીઠ થાબડી આત્મવિશ્વાસ વધાર્યો હતો. આ સમગ્ર ઘટનાનો વીડિયો વાઈરલ થઈ ગયો હતો. 

#SAvIND pic.twitter.com/SpMO6RtccL

— Ashwin Natarajan (@ash_natarajan) December 26, 2021

ખરાબ ફોર્મનો શિકાર સિનિયર ખેલાડીઓ 

ઉલ્લેખનીય છે કે ટીમના બે સિનિયર ખેલાડીઓ અજિંક્ય રહાણે અને ચેતેશ્વર પૂજારા છેલ્લા કેટલાક્ સમયથી ખરાબ ફોર્મમાંથી પસાર થઈ રહ્યા છે. એવામાં રહાણેએ સેટ થઈને 40 નો આંકડો પાર કર્યો હતો પણ આજની મેચના પહેલા જ દિવસે પૂજારા પહેલા જ બોલે આઉટ થઈ જતાં હતાશ થઈ ગયો હતો. પૂજારા છેલ્લી 42 ઈનિંગ્સમાં સદી ફટકારી શક્યો નથી. અને આ મેચમાં પણ તેણે નિરાશ કર્યા હતા. 

11 મી વખત શૂન્ય પર આઉટ 
પૂજારા ડ્રેસિંગ રૂમ તરફ જઈ રહ્યો હતો ત્યારે વિરાટ કોહલી પણ નિરાશ થઈ ગયો હોય તેવું લાગી રહ્યું હતું. સ્વભાવીક રીતે જ ચાહકો સહિત સૌરાષ્ટ્રનો આ બેટ્સમેન પોતે પણ પોતાના આવા પ્રદર્શન બાદ નારાજ થઈ ગયો હતો . આ સાથે પૂજારા 11 મી વખત ઝીરો પર આઉટ થયો હતો. 

પણ હેડ કોચ દ્રવિડે તેનો જુસ્સો વધારતા ખાસ આવીને પીઠ થાબડી હતી.