રાહુલ બોસ સારા એક્ટરમાંથી એક છે પરંતુ એ લાઇમ લાઇટથી દૂર રહેવાનું પસંદ કરે છે. તાજેતરમાં જ રાહુલે પોતાના એક વીડિયોના કારણે ચર્ચામાં છે. રાહુલ બોસ એક ફિલ્મના શૂટિંગ માટે ચંડીગઢ છે અને એને વીડિયો શેર કરતા જણાવ્યું કે કેવી રીતે એક આલીશાન હોટલમાં બે કેળાનું બિલ 442 રૂપિયા થાય છે.
આપણે લક્ઝરી હોટલના મોટા બિલ માટે તો ખૂબ જ સાંભળ્યું છે. પરંતુ બૉલીવુડ એક્ટર રાહુલ બોસની સાથે જે થયું એ સાંભળીને તમામ લોકો હેરાન છે. એને એક ફાઇવ સ્ટાર હોટલમાં બે કેળા ખાધા. એના બદલામાં એની પાસેથી 442 રૂપિયાનું બિલ વસૂલ કરવામાં આવ્યું. રાહુલ અત્યાર એક ફિલ્મના શૂટિંગ માટે ચંડીગઢમાં છે. ત્યાં તે ફાઇવ સ્ટાર હોટલમાં રોકાયો છે. હોટલમાં થયેલા એક્સપીરિયન્સની જાણકારી રાહુલે ટ્વિટર પર શેર કરી છે.
રાહુલે લખ્યું એની પર વિશ્વાસ કરવા માટે તમારે આ એને જોવું પડશે. કોણ કહે છે કે ફળ તમારી લાઇફ માટે નુકસાનકારક નથી? હું શૂટિંગના કારણે ફાઇવ સ્ટાર હોટલમાં રોકાયો હતો. અહીંયા વર્કઆઉટ બાદ મે ખાવા માટે બે કેળા ઓર્ડર કર્યા. કેળાની સાથે એક બિલ પણ સામે આવ્યું, જેમાં બે કેળા પર જીએસટી લગાવતા બિલ બન્યું 442 રૂપિયા. રાહુલે હોટલમાં કેળાના આ બિલ પર નારાજગી વ્યક્ત કરી છે.
રાહુલનો આ વીડિયો સોશિયલ મીડિયા પર ખૂબ જ વાયરલ થઇ રહ્યો છે. સોશિયલ મીડિયા યૂઝર્સ લોકો રાહુલ બોસની પોસ્ટ પર મજેદાર કમેન્ટ કરી રહ્યા છે. કોઇકે લખ્યું છે, જેટલો જીએસટી લાગ્યો છે એટલા રૂપિયામાં તો એક ડઝન કેળા આવી જાય. સોશિયલ મીડિયા પર ઘણા યૂઝર્સ હોટલની વિરુદ્ધ નારાજગી વ્યક્ત કરી રહ્યા છે. એક યૂઝરે લખ્યું, જો તમે બનાના મેંગો શેક મંગાવ્યો હોત તો એની કિંમત આઇફોનની કિંમત બરાબર હોત.