બિઝનેસ / બજાજ ઓટો સાથે 50 વર્ષથી જોડાયેલા ચેરમેને આપ્યું રાજીનામું, ચેતક સ્કૂટર હતી તેમની દેન

• બજાજ ઑટોનું નામ ઊભું કરનાર રાહુલ બજાજે કંપનીને કહ્યું અલવિદા 
• રાહુલ બજાજે બજાજ ઑટોનું ચેરમેન પદ છોડ્યું 
• હવે નીરજ બજાજ સંભાળશે કંપની 

રાહુલ બજાજે ટુ વ્હીલર અને થ્રી વ્હીલર વાહનોના ક્ષેત્રમાં બજાજ ઓટોનું નામ ઊભું કર્યુ અને તેને અગ્રીમ સ્થાન પર પહોંચાડ્યું. પુણે સ્થિત ટુ-વ્હીલર અને થ્રી-વ્હીલર બનાવનરી કંપની બજાજ ઓટોએ શૅર બજારમાં મોકલેલી નિયામકીય યાદીમાં લખ્યું છે કે તેણે બિન-કાર્યકારી ચેરમેને તેમના પદથી રાજીનામું આપી દીધું છે. તેમનું રાજીનામું 30 એપ્રિલ 2021ના દિવસના અંત સુધીમાં અમલમાં આવી જશે. 

નવા ચેરમેન નીરજ બજાજ

કંપનીના રાહુલ બજાજના સ્થાન નીરજ બજાજને ચૅરમેન નિયુક્ત કરવામાં આવ્યાં છે. તેઓ 1 મે 2021થી કંપનીના નવા ચૅરમેન તરીકે કામકાજ સંભાળશે. મહત્વનું છે કે રાહુલ બજાજ વર્ષ 1972થી જ કંપનીના બિન-કાર્યકારી ચેરમેનનો કાર્યભાર સંભાળી રહ્યાં હતાં. તેઓ બજાજ ઓટો સમૂહ સાથે છેલ્લાં 5 દાયકાઓથી જોડાયેલા હતાં. કંપનીએ જણાવ્યું હતું કે રાહુલ બજાજની ઉંમર 83 વર્ષની થઈ ગઈ છે. તેમની વધતી જતી ઉંમરને જોતા તેમમે આ કંપનીના બિન-કાર્યકારી ડિરેક્ટર અને ચેરમેનપદેથી રાજીનામું આપ્યું છે. 

ચેતક થયું હતું સુપરહીટ

કંપનીનું નેતૃત્વ કરતી વખતે બજાજ ચેતક સ્કૂટર બનાવ્યું હતું. આ સ્કૂટર ઘણું લોકપ્રિય થયું હતું અને મધ્યમવર્ગના પરિવારની આકાંક્ષનો સૂચક માનવામાં આવતો હતો.