કોંગ્રેસના દિગ્ગજ નેતા રાહુલ ગાંધીએ કોવિડ-19 મહામારીને પહોંચી વળવા અને કોરોનાની રસીને લઇને જોડાયેલા 4 સવાલ પ્રધાનમંત્રી મોદીને પૂછ્યા હતા. રાહુલ ગાંધીએ મોદી સરકારે પૂછ્યું હતું કે, મોદી સરકાર ભારત માટે કઇ કોરોના વેક્સિનની કેવી રીતે પસંદગી કરશે. આ સાથે જ તેમણે પૂછ્યું કે કોરોનાની રસી લગાડવા માટે કેવા પ્રકારની પ્રક્રિયા અપનાવવામાં આવશે.
રાહુલ ગાંધીએ ટ્વિટ દ્વારા માગ્યા સવાલનો જવાબ
PM મોદીએ દેશને જણાવવું પડશે: રાહુલ
કોવિડના ઉમેદવારોની પસંદગી કેવી રીતે કરાશે?: રાહુલ
રાહુલ ગાંધી સતત કોરોના સંકટને લઈને મોદી સરકાર પર પ્રહાર કરી રહ્યા છે. સોમવારે તેમણે ટ્વીટ કરીને પીએમ મોદીને ચાર સવાલો પૂછ્યા. રાહુલ ગાંધીએ લખ્યું,
પ્રધાનમંત્રીએ રાષ્ટ્રને કહેવું પડશે:
1. તમામ કોરોના રસીમાંથી, ભારત સરકાર કઇ પસંદ કરશે અને કેમ?
2. પ્રથમ રસી કોને મળશે અને ડિલિવરી રણનીતિ શું હશે?
3. શું મફત રસીકરણ સુનિશ્ચિત કરવા માટે PMCares ફંડનો ઉપયોગ કરવામાં આવશે?
4. બધા ભારતીયોને ક્યાં સુધી રસી આપવામાં આવશે?
The PM must tell the nation:
1. Of all the Covid vaccine candidates, which will GOI choose & why?
2. Who will get the vaccine first & what will be the distribution strategy?
3. Will PMCares fund be used to ensure free vaccination?
4. By when will all Indians be vaccinated?
અહેવાલો અનુસાર હાલ ભારતમાં પાંચ રસી તૈયાર થવાની દિશા તરફ આગળ વધી રહી છે. તેમાંથી ચાર પરીક્ષણના બીજા અથવા ત્રીજા તબક્કામાં છે જ્યારે એક પ્રથમ કે બીજા તબક્કામાં છે. જોકે, ભારત હજી કઇ રસી ઉપર ભરોસો રાખે છે તે હજુ નક્કી નથી થયું. રાહુલ ગાંધીએ આ વિશે પ્રશ્નો પૂછ્યા છે.
લૉકડાઉનને લઇને શાધ્યું નિશાન
નોંધનીય છે કે, આ પહેલા અને રવિવારે, કેન્દ્ર સરકાર પર લૉકડાઉનને લઇને નિશાન શાધતા તેમણે આરોપ લગાવ્યો હતો કે તેણે લાખો લોકોને ગરીબી તરફ ધકેલી દીધું છે, તેમના આરોગ્યને જોખમમાં મૂક્યું હતું અને વિદ્યાર્થીઓના ભાવિ સાથે ચેડા કર્યા હતા. તેમણે આરોગ્ય અને પરિવાર કલ્યાણ અંગેની સંસદીય સમિતિના તારણો પર એક ન્યૂઝ રિપોર્ટ પણ ટેગ કર્યો હતો.
હાથરસની ઘટનાને લઇને પણ સાધ્યું હતું નિશાન
ગાંધીએ ટ્વીટમાં આક્ષેપ કર્યો હતો કે, “ઉત્તર પ્રદેશમાં સરકારના હાથે પીડિતોનું સતત શોષણ અસહનીય છે. હાથરસ બળાત્કાર અને હત્યાના કેસમાં આખો દેશ સરકાર પાસે જવાબ માંગે છે અને પીડિત પરિવાર સાથે છે. ગુંડારાજમાં સમાન ગુંડાગીરીનું બીજું એક ઉદાહરણ. "