ઓસ્ટ્રેલિયામાં ઐતિહાસિક જીત મેળવ્યા બાદ ભારત અને વિદેશનાં ઘણાં પૂર્વ ક્રિકેટર્સ અજિંક્ય રહાણેની કેપ્ટન્સીનાં વખાણ કરી રહ્યાં છે અને વિરાટ કોહલીની જગ્યાએ તેને પર્માનેન્ટ ટેસ્ટ કેપ્ટન બનાવવાની માંગ કરી છે.
વિરાટ સાથે કોઈ મતભેદ કે ટક્કર નથી
કેપ્ટન કોઈ પણ હોય ટીમની જીત મહત્ત્વની
રિષભની સાથે પુજારાએ પણ ખૂબ મહત્ત્વની ઈનિંગ રમી હતી
એડિલેડની ફર્સ્ટ ટેસ્ટ મેચમાં ટીમ ઈન્ડિયા 36 રનમાં ઓલઆઉટ થઈ હતી
પણ રહાણે આ મુદ્દે એવુ કહે છે કે, કેપ્ટન્સીને લઈને મારા અને વિરાટ વચ્ચે કોઈ મતભેદ કે ટક્કર નથી. એડિલેડમાં રમાયેલ ફર્સ્ટ ટેસ્ટ મેચમાં ભારતીય ટીમ ઓસ્ટ્રેલિયા સામે ફક્ત 36 રન પર ઓલઆઉટ થઈ ગઈ હતી. જે મેચને ઓસ્ટ્રેલિયાની ટીમે અઢી દિવસમાં ભારતને હરાવીને સિરીઝમાં 1-0ની બઢત બનાવી લીધી હતી.
કોહલી બાદ રહાણેની કેપ્ટન્સીમાં મેલબર્ન ટેસ્ટમાં ટીમે વાપસી કરી
પહેલી ટેસ્ટ મેચમાં ખરાબ પ્રદર્શનને લીધે વિરાટ કોહલીની કેપ્ટન્સીને લઈને સવાલ ઉભા થયા હતા. ત્યારબાદ વિરાટ કોહલી અંગત કારણોસર સિરીઝ છોડીને ભારત પરત ફર્યો હતો. બાદમાં અજિંક્ય રહાણેને ઓસ્ટ્રેલિયાનાં માઇન્ડ ગેમની સામે જજૂમવા માટે ખડો કરી દીધો હતો. ટીમ ઈન્ડિયાએ રહાણેની કેપ્ટન્સીમાં મેલબર્ન ટેસ્ટમાં જબરજસ્ત વાપસી કરી અને તે મેચ શાનદાર રીતે જીતી લીધી જે મેચમાં રહણેએ શતક પણ બનાવ્યું હતું.
મારા અને વિરાટ વચ્ચે કોઈ કોમ્પિટિશન નથીઃ રહાણે
રહાણેનાં મતે વિરાટ કોહલી અને તેની વચ્ચે કોઈ મુકાબલો શક્ય નથી. જ્યારે વિરાટ કેપ્ટન હોય છે ત્યારે તેને ટીમને વિજેતા બનાવવાનો મુખ્ય ઉદ્દેશ હોય છે જ્યારે હું કેપ્ટન બન્યો ત્યારે મારો પણ લક્ષ્ય ટીમને જીતાડવાનો જ હતો. અમે બંને ફક્ત ટીમ ઈન્ડિયાને જીત અપાવવા ઈચ્છીએ છીએ. કેપ્ટન ભલે કોઈ પણ હોય. એમપણ કેપ્ટન્સીને લઈને અમારા બંનેમાં કોઈ કોમ્પિટિશન નથી.
ઇંગ્લેન્ડ સામેની સિરીઝમાં વિરાટ બનશે ફરી કેપ્ટન
ઈંગ્લેન્ડ વિરુદ્ધ વિરાટ કોહલી ફરી એકવાર ટીમના કેપ્ટન્સીની કમાન સંભાળશે. જેમાં અજિંક્ય રહાણે કેપ્ટન રહેશે. અજંક્ય રહાણેએ રિષભ પંતની બેટિંગનાં વખાણ કરતા કહ્યું કે, રિષભને કહ્યું હતુ કે તે તેની નેચરલ ગેમ રમે અને બાકી કોઈ વાતનું ટેન્શન ના લે. જેમ તે ખુલીને બેટિંગ કરે છે તેવીજ રીતે રમે. રિષભની સાથે પુજારાની ઇનિંગ પણ સિડની અને બ્રેસબેનમાં ખૂબ અગત્યની હતી. તેણે ખૂબ સંયમ અને એકાગ્ર બનીને બેટીંગ કરીને વિકેટ પડવા નહોતી દીધી. પુજારાએ બેટિંગ કરતી વખતે છાતી પર કમિન્સ, સ્ટાર્ક અને હેઝલવુડની બોલિંગમાં ઘણી ઈજા વેઠી, પણ તે ક્રિઝ પર ઉભો રહ્યો.