હેલ્થ / શિયાળામાં શરીર માટે બેસ્ટ છે રાગી, ફાયદા જાણીને આજે જ લઇ આવશો ઘરે

• શિયાળામાં રાગી છે બેસ્ટ 
• રાગીના સેવનથી ઘણા ફાયદા 
• આંતરિક ફાયદો પહોંચાડે રાગી 

ભલે તમે તમારા શરીરને કપડાથી સંપૂર્ણ રીતે ઢાંકી રાખો, પરંતુ ઠંડીની અસર કોઈ પણ રીતે શરીર પર ચોક્કસપણે આવે છે, જેથી આપણે આપણા આહારમાં એવા ખોરાકનું સેવન કરવું જોઇએ, જે શરીરને ગરમ રાખે. આવી ખાદ્ય ચીજોમાંથી એક છે-રાગી. 

રાગી બીજ શું છે? રાગીના બીજને ફિગર મિલેટ, આફ્રિકન મિલેટ અથવા નાચણી તરીકે પણ ઓળખવામાં આવે છે. તે આફ્રિકા અને એશિયાના વિસ્તારમાં વ્યાપક રીતે ઉગાડવામાં આવે છે. રાગીના બીજમાંથી આપણે રાગીનો લોટ બનાવી શકીએ છીએ. 

હવે આપણને કેટલાંય સુપરમાર્કેટ અને કોઇ પણ ઘંટીએથી રાગીનો લોટ મળી શકે છે. હજુ પણ આપણે તેને રોજિંદા ભોજનમાં ઉપયોગમાં લેતા નથી.રાગીથી શરીરને કેવા લાભ મળે છે તે આજે જોઇએ.

 કેલ્શિયમથી ભરપૂર 
 આપણને કેલ્શિયમની વાત આવે એટલે દૂધ અને દહીં જ યાદ આવે, પરંતુ દૂધ વધુ પ્રમાણમાં પીવાથી સેચ્યુરેટેડ ફેટ પણ મળે છે, જ્યારે કિંમતમાં સસ્તી રાગી બહુ જ ઓછી ચરબી અને ભરપૂર કેલ્શિયમ ધરાવે છે. તેથી રાગી કેલ્શિયમનો શ્રેષ્ઠ નો-ડેરી સોર્સ ગણાય છે. જે બાળકોને દૂધ પીવાની અથવા તો લેક્ટોઝની તકલીફની સમસ્યા છે તેમને રાગીના લોટમાંથી કોઈ પણ વસ્તુ તૈયાર કરીને ખવડાવી શકાય છે.

 ડાયાબિટીસને કંટ્રોલ કરે છે 
 ફાઈબરના ઊંચા પ્રમાણના કારણે તેમાંથી ઊર્જા ધીમે ધીમે ‌િરલીઝ થાય છે અને સલામત રેન્જમાં બ્લડ શુગરનું લેવલ જાળવી રાખે છે.

 ત્વચા માટે પણ ઉત્તમ
 રાગી યુવાન ત્વચાની જાળવણી માટેનું કામ કરે છે, તેમાં રહેલ મુખ્ય એમિનો એસિડ રિંકલ્સ ઘટાડે છે.

 વિટામિન-ડી યુક્ત
 રાગી એ થોડાંક એવાં કુદરતી અનાજ પૈકીનું એક છે, જે વિટામિન-ડી ધરાવે છે. જે આમ તો મોટા ભાગે સૂર્યપ્રકાશ અથવા ઇંડામાંથી જ મળે છે. શાકાહારી વ્યક્તિ માટે રાગી વિટા‌િમન-ડીનો સારો સ્રોત બની શકે છે.

 વજન ઘટાડવામાં મદદરૂપ 
 લાંબા સમય સુધી તે પેટને ભરેલું રાખે છે અને નકામી ભૂખ લાગતી અટકાવે છે. વખત જતાં તેનાથી ભૂખ ઓછી લાગે છે અને તે વજન ઘટાડવામાં મદદરૂપ થાય છે.•