પંજાબ કોટામાંથી આમ આદમી પાર્ટીએ નામ ફાઈનલ કર્યા છે, જેમાં પાંચ નામ ફાઈનલ કર્યા છે, જો કે, તેમાંથી સૌથી વધારે ચર્ચા રાઘવ ચઢ્ઢાની થઈ રહી છે.
સંસદમાં સૌથી યુવાન રાજ્યસભા સાંસદ બનશે
રાઘવ ચઢ્ઢાની પ્રોફાઈલમાં લોકોને રસ વધ્યો
લંડનમાંથી કર્યો છે અભ્યાસ
પંજાબ કોટામાંથી આમ આદમી પાર્ટીએ નામ ફાઈનલ કર્યા છે, તે પ્રમાણે જોઈએ તો, ક્રિકેટર હરભજન સિંહ, રાઘવ ચઢ્ઢા, ડો. સંદીપ પાઠક, અશોક મિત્તલ અને સંજીવ અરોડાને રાજ્યસભામાં મોકલશે.
આમ આદમી પાર્ટીના પંજાબના સહ પ્રભારી અને દિલ્હીથી ધારાસભ્ય રાઘવ ચઢ્ઢાને રાજ્યસભામાં મોકલાનો નિર્ણય કર્યો છે. ઉમેદવારી પત્ર ભરતા પહેલા રાઘવ ચઢ્ઢાએ ટ્વિટ કરીને આમ આદમી પાર્ટીના પ્રમુખ અને દિલ્હીના મુખ્યમંત્રી અરવિંદ કેજરીવાલનો આભાર માન્યો હતો, રાઘવ ચઢ્ઢાની ઉંમર હજૂ 33 વર્ષની જ છે અને તે દેશના સૌથી યુવાન રાજ્યસભા સાંસદ બનવા જઈ રહ્યા છે.
રાજકારણમાં આવતા પહેલા રાઘવ ચાર્ટર્ડ અકાઉડેંટની નોકરી કરતા હતા. રાઘવ પોતાની વાતને હંમેશા બિંદાસ રજૂ કરે છે. રાઘવ ચઢ્ઢાને સ્ટાઈલિશ પોલિટિશિયન ઓફ દ ઈયર 2021નો એવોર્ડ પણ મળી ચુક્યો છે. એક કાર્યક્રમ દરમિયાન મેનકા ગાંધીએ તેમને આ એવોર્ડ આપ્યો હતો.
લંડન સ્કૂલ ઓફ ઈકોનોમિક્સમાંથી કર્યો છે અભ્યાસ
33 વર્ષના રાઘવ ચઢ્ઢાનો જન્મ 11 નવેમ્બર વર્ષ 1988ના રોજ નવી દિલ્હીમાં થયો હતો. તેમણે પોતાના શરૂઆતનો અભ્યાસ દિલ્હીની મોર્ડન સ્કૂલમાંથી કર્યો અને ત્યાર બાદ દિલ્હી યુનિવર્સિટીમાંથી સાઉથ કેંમ્પસના વેંકટેશ્વર કોલેજથી સ્નાતક કર્યું, રાઘવ ચઢ્ઢાએ લંડન સ્કૂલ ઓફ ઈકોનોમિક્સમાંથી EMBAની ડિગ્રી મેળવેલી છે. પોતાના શરૂઆતી કરિયર દરમિયાન ડે ડેલોઈટ એન્ડ ગ્રેડ થોર્નટન સહિત કેટલીય અન્ય કંપનીઓમાં ચાર્ટર્ડ એકાઉન્ટંટની નોકરી કરી ચુક્યા છે.
આવી રીતે આમ આદમી પાર્ટીમાં જોડાયા
વર્ષ 2011માં રાઘવ ચઢ્ઢાએ ઈંડિયા અગેંસ્ટ કરપ્શન આંદોલન સાથે જોડાયા. આ દરમિયાન તેમની મુલાકાત અરવિંદ કેજરીવાલ સાથે થઈ, રાજકીય કરિયરની શરૂઆતી દિવસોમાં રાઘવ ચઢ્ઢા આમ આદમી પાર્ટીના ડ્રાફ્ટિંગ કમિટિનો ભાગ હતા. વર્ષ 2013નાં તે આપનો ચૂંટણી ઢંઢેરો નક્કી કરનારી ટીમનો ભાગ બન્યા. ત્યાર બાદ તેમને પાર્ટીના રાષ્ટ્રીય કોષાધ્યક્ષ બનાવામાં આવ્યા.
1 રૂપિયાના પગાર પર કર્યું કામ
વર્ષ 2016માં રાઘવ ચઢ્ઢા દિલ્હીના બજેટ ડ્રાફ્ટ તૈયાર કરવામાં ઉપ મુખ્યમંત્રી મનીષ સિસોદિયાના સલાહકાર બન્યા હતા. આ દરમિયાન તેમણે ફક્ત 1 રૂપિયાનું વેતન લીધું હતું. રાઘવ કેન્દ્ર સરકારના નાણાકીય સલાહકાર તરીકે કામ કર્યું પણ એપ્રિલ 2018માં ગૃહમંત્રાલયે તેમની નિમણૂંક રદ કરી હતી, જે બાદ રાઘવ ચઢ્ઢાએ પોતાની અઢી મહિનાની સેલરી 2.5 રૂપિયા કેન્દ્ર સરકારને પાછા આપી દીધા. આ ઘટના બાદ રાઘવ ચર્ચામાં આવ્યા હતા.
લોકસભા ચૂંટણી હાર્યા અને વિધાનસભા ચૂંટણી જીત્યા
રાઘવ 2019માં લોકસભા ચૂંટણીમાં દક્ષિણ દિલ્હી સંસદીય વિસ્તારમાંથી ચૂંટણી લડ્યા હતા. તે ચૂંટણીમાં ભાજપ ઉમેદવાર રમેશ બિધૂડી સામે હારી ગયા હતા અને બીજા સ્થાન પર રહ્યા હતા. 2020માં દિલ્હી વિધાનસભા ચૂંટણીમાં રાજેન્દ્ર નગરથી ચૂંટણી લડ્યા અને ભાજપના ઉમેદવાર આરપી સિંહ વિરુધ્ધ શાનદાર જીત મેળવી. ચૂંટણી બાદ તેમને દિલ્હી જળ બોર્ડના ઉપાધ્યક્ષ બનાવ્યા અને દિલ્હી સરકારમાં જળ વિભાગ સોંપવામાં આવ્યો.
સ્ટેટ લેવલના બેડમિંટન ખેલાડી રહી ચુક્યા છે
આમ આદમી પાર્ટીના યુવા નેતા રાઘવ ચઢ્ઢા બેડમિંટન રમવાનું પસંદ છે અને તે સ્ટેટ લેવલ સુધી બેડમિંટન રમી ચુક્યા છે. તેમના પસંદગીના ખેલાડીઓમાં સચિન તેંદુલકર અને બ્રાયન લારા શામેલ છે.