બોલિવુડમાં હાલમાં બાયોપિક બનવવાની હરોડ લાગી છે. એવામાં હવે કોંગ્રેસ અધ્યક્ષ રાહુલ ગાંધીની જિંદગી પર ફિલ્મ બનવા જઇ રહી છે. આ ફિલ્મ ટૂંક સમયમાં થિયેટરમાં રિલીઝ થશે. તાજેતરમાં જ ફિલ્મનું ટ્રેલર રિલીઝ કરવામાં આવ્યુ છે. ટ્રેલરમાં રાહુલ ગાંધીથી જોડાયેલા કેટલાક કિસ્સાનો બતાવવામાં આવ્યા છે જેમાં ઇન્દિરા ગાંધીની હત્યાથી લઇને રાહુલની રાજનીતિમાં એન્ટ્રી સુધી તમામ બાબતો બતાવી છે. ફિલ્મનું ડિરેક્શન રૂપેશ પૉલે કર્યુ છે. ફિલ્મમાં રાહુલ ગાંધી ઇન્દિરા ગાંધી સિવાય રાજીવ ગાંધી પ્રિયંકા ગાંધી સોનિયા ગાંધી સિવાય નરેન્દ્ર મોદી અને અમિત શાહ પર પણ ફોક્સ કરવામાં આવ્યુ છે.
આ ટ્રેલર રિલીઝ થયા પછી સોશ્યલ મીડિયા પર સતત વાતો થઇ રહી છે કે ફિલ્મના ટ્રેલરને એવા સમયે જ રિલીઝ કરવામા આવ્યુ જ્યારે લોકસભા ચૂંટણીનો સમય નજીક આવી રહ્યો છે અને સોનિયા ગાંધીની દિકરી અને રાહુલ ગાંધીની બહેન પ્રિયંકા ગાંધી કોંગ્રેસ પાર્ટીમા મહત્વનો રોલ પ્લે કરવાની છે. આ પહેલી વખત નથી જ્યારે કોઇ પૉલિટીશિયનના જીવન પર ફિલ્મ બની હોય. આ પહેલા દેશના પૂર્વ પ્રધાનમંત્રી ડૉ.મનમોહન સિંહની બાયોપિક રિલીઝ થઇ ચૂકી છે. ફિલ્મમાં ઘણા રાજનેતાઓના કેરેક્ટર બતાવવામાં આવ્યા છે. આ સિવાય ફિલ્મ 'ઉરી: ધ સર્જિકલ સ્ટ્રાઇક' આવી હતી જેમાં વિકી કૌશલ અને યામી ગૌતમ સ્ટારર આ ફિલ્મને લઇને આરોપ લગાવવામાં આવ્યા હતા કે આ ફિલ્મ ભાજપ દ્વારા સ્પોન્સર્ડ છે. ફિલ્મ ઉરી: ધ સર્જિકલ સ્ટ્રાઇક'માં PM મોદીના કેરેક્ટરને પણ બતાવવામાં આવ્યુ છે.
તો બીજી તરફ પૂર્વ પ્રધાનમંત્રી ડૉ.મનમોહન સિંહની બાયોપિક 'ધ એક્સિડન્ટલ પ્રાઇમ મિનિસ્ટર'ને લઇને પણ આરોપ લગાવવામાં આવ્યા હતા કે આ ફિલ્મ દ્વારા કોંગ્રેસની છબિ બગાડવાનો પ્રયત્ન કરવામાં આવ્યો છે. ફિલ્મમાં બતાવવામાં આવ્યુ છે કે તે સમયે પૂર્વ પ્રધાનમંત્રી ડૉ.મનમોહન સિંહ પર સોનિયા ગાંધીએ પોતાના નિર્ણયો થોપ્યા હતા. એવામાં હવે કોંગ્રેસના રાષ્ટ્રીય અધ્યક્ષ રાહુલ ગાંધી પર બનેલી આ ફિલ્મ ટૂંક સમયમાં રિલીઝ થશે તો જોવાનુ રહ્યુ કે આ ફિલ્મ ઓડિયન્સને પસંદ આવશે કે નહીં.