ભારતીય વાયુસેનામાં લડાકૂ વિમાન રાફેલના સામેલ થવાની ચીની મીડિયામાં ખુબ ચર્ચા થઇ રહી છે. પાકિસ્તાને જ્યાં ભારતને રાફેલ મળ્યા બાદ વિશ્વ સંગઠનની ગુહાર લગાવી છે ત્યારે ચીની મીડિયા આની તુલના પોતાના ફાઇટર જેટથી કરવામાં લાગ્યું છે. ફ્રાંસમાં બનેલા આ રાફેલ ફાઇટર જેટ ચીનના J-20 ફાઇટર જેટથી અનેક ગણુ સારુ છે. જોકે, ચીની મીડિયામાં રાફેલને ઓછું આંકવાના પ્રયત્નો કરવામાં આવી રહ્યા છે.
રાફેલ બહુ સારુ નથી: ચીની સૈન્ય વિશેષજ્ઞ
ચીનના JF-17 સારા છે તો પાકિસ્તાને F-16નો ઉપયોગ કેમ કર્યો?: ધનોઆ
સુપરક્રૂઝ કેમ નથી કરી શકતા?: ધનોઆ
ચીનના સરકારી ન્યૂઝ પેપર ગ્લોબલ ટાઇમ્સે લખ્યું કે, ભારતે હાલમાં 5 રાફેલ ફાઇટર જેટ મેળવ્યા છે અને ભારતના પૂર્વ વાયુ સેના પ્રમુખ બી.એસ. ધનોઆએ આ ચીનના J-20થી સારા ફાઇટર જેટ ગણાવ્યા છે. ચીની એક્સપર્ટ્સના હવાલાથી પેપરમાં લખ્યું છે કે રાફેલ ત્રીજી પેઢીનું ફાઇટર જેટ છે અને ચોથી પેઢીના ફાઇટર જેટ J-20ની સામે નહીં ટકે.
રાફેલ બહુ સારુ નથી: ચીની સૈન્ય વિશેષજ્ઞ
ચીનના સૈન્ય વિશેષજ્ઞએ ગ્લોબલ ટાઇમ્સમાં કહ્યું કે, રાફેલ સુખોઈ-30 એમકેઆઈથી યોગ્ય છે જે ભારતીય વાયુસેનામાં મોટી સંખ્યામાં હાજર છે. પરંતુ રાફેલ બહુ સારુ નથી તેની ગુણવત્તામાં ફેરફાર નથી થયો.
ચીનના સૈન્ય વિશેષજ્ઞએ કહ્યું કે, AESA રડાર, આધુનિક હથિયાર અને મર્યાદિત ટેક્નોલોજીના કારણે રાફેલની ત્રીજી પેઢીના અન્ય ફાઇટર જેટ સાથે તુલના કરી શકાય છે. જેનો ઉપયોગ બાકીના દેશ પણ કરી રહ્યા છે પરંતુ ચોથી પેઠીના J-20 જેવા વધુ ક્ષમતા વાળા લડાકૂ વિમાનનો મુકાબલો કરવો આના માટે ખુબ જ મુશ્કેલ છે.
ચીની એક્સપર્ટ્સે લખ્યું કે, આ વાત સૌને ખબર છે કે ફાઇટર જેટમાં પેઢીનો ફરક બહુ મોટો ફરક હોય છે અને આની ભરપાઈ કોઈ રણનીતિ કે સંખ્યા વધારીને ન કરી શકાય. ચીનના J-20 ફાઇટર જેટ રાફેલથી બહુ જ સુપીરિયર છે.
ભારતે આપ્યો જડબાતોડ જવાબ
ભારતના પૂર્વ વાયુસેના પ્રમુખ બી.એસ. ધનોઆએ 4.5 જનરેશનના રાફેલને ગેમચેન્જર ગણાવ્યું હતું અને કહ્યું હતું કે, ચીનના ફાઇટર જેટ J-20 આની આસપાસ પણ નથી. આ નિવેદનને લઇને ચીનને મરચા લાગ્યા અને તેણે રાફેલની ખામીઓ કાઢવાનું શરૂ કરી દીધું. જોકે, ધનોઆએ એક વખત ફરી ચીનને ચેલેન્જ કર્યું છે. ધનોઆએ બે સવાલોની સાથે ચીની દાવાનો જવાબ આપ્યો છે.
કનાર્ડથી ફાઇટર જેટના રડાર સિગ્નેચર વધી જાય છેઃ ધનોઆ
પૂર્વ એર ચીફ માર્શલે અંગ્રેજી સમાચાર પત્ર હિન્દુસ્તાન ટાઇમ્સ સાથે વાતચીતમાં કહ્યું કે, મને નથી લાગતું કે J-20 આટલું ટ્રિકી છે કે તેણે ફિફ્થ જનરેશન ફાઇટર કહેવામાં આવે કારણ કે કનાર્ડથી ફાઇટર જેટના રડાર સિગ્નેચર વધી જાય છે. તેથી આ લૉન્ગ-રેન્જ મીટૉર મિસાઇલની પકડમાં આવી જાય છે જે રાફેલમાં લાગી છે.
સુપરક્રૂઝ કેમ નથી કરી શકતા?: ધનોઆ
ધનોઆએ બીજો સવાલ કર્યો કે જો J-20 હકિકતમાં પાંચમી પેઢીનું ફાઇટર છે જેમકે આનું મેન્યુફેક્ચરર ચેંગદૂ એરોસ્પેસ કહે છે તો આ સુપરક્રૂઝ કેમ નથી કરી શકતા. સુપરક્રૂઝ તે ક્ષમતા છે જેમાં કોઈ ફાઇટર જેટને 1 મેક(અવાજની ગતિ)ની ઝડપથી વગર આફ્ટરબર્નર્સથી ઉડાવી શકાય છે.
ચીનના JF-17 સારા છે તો પાકિસ્તાને F-16નો ઉપયોગ કેમ કર્યો?: ધનોઆ
ધનોઆએ કહ્યું કે, રાફેલમાં સુપરક્રૂઝબિલિટી છે અને દુનિયાના સર્વોચ્ચ ફાઇટર જેટથી આના રડાર સિગ્નેચરની તુલના કરી શકાય છે. ધનોઆએ આ જ અઠવાડિયે ચીની પ્રોપગેન્ડાની ધજાગરા ઉડવતા કહ્યું હતું કે, જો ચીની હથિયાર અને લડાકૂ વિમાન આટલા સારા છે તો પાકિસ્તાને 27 ફેબ્રુઆરી 2019એ ચીનના JF-17નો ઉપયોગ એટેકમાં કરવો જોઇતો હતો ન કે F-16નો. પરંતુ પાકિસ્તાને ચીનના લડાકૂ વિમાન JF-17નો ઉપયોગ માત્ર પોતાના મિરાજ 3/5 બૉમ્બર્સને સુરક્ષા આપવામાં કર્યો.
ધનોઆએ ચીનના રક્ષા ઉપકરણોની ક્ષમતા પર સવાલ ઉઠવતા કહ્યું કે, ચીનના આયરન બ્રધર(પાકિસ્તાન) ઉત્તરમાં સ્વીડિશ એર વાર્નિંગનો ઉપયોગ શા માટે કરે છે જ્યારે ચીની AWACSને દક્ષિણમાં રાખે છે.