ગૌરવ / જાણો, રાફેલને ભારતમાં લાવનાર આ વ્યક્તિ વિશે, પરિવાર તથા સમગ્ર દેશ કરી રહ્યો છે ગર્વ

• બુધવારે રાફેલ લડાકુ વિમાન ભારત આવી પહોંચ્યા
• વિંગ કમાન્ડર અભિષેક ત્રિપાઠીની આગેવાનીમાં પહોંચ્યા ભારત

વિંગ કમાન્ડર અભિષેક ત્રિપાઠીની આગેવાનીમાં રાફેલ વિમાન અંબાલા આવી પહોંચ્યા હતા. તેનો પરિવાર જયપુરમાં રહે છે, જ્યાં તે મોટા થયા અને અભ્યાસ પૂરો કર્યો. પરંતુ તેના વતન ગામ હરદોઇમાં ખુશીનું વાતાવરણ છે અને દરેકને તેના પર ગર્વ છે. અહીં રહેતા સબંધીઓએ અભિષેકની પ્રશંસા કરી અને તેનું ગૌરવ વ્યક્ત કર્યો હતો.

જમ્મુ-કાશ્મીરના હિલાલ અહમદના પણ થઇ રહ્યા છે વખાણ 

આ સિવાય રાફેલ વિમાનને લઇને ફ્રાન્સ અને ભારત વચ્ચે ડીલ કરવાના સમયે આ વિમાનોની ડિલીવરી કરાવવામાં જમ્મુ-કાશ્મીરમાં રહેતા એર કમાન્ડર હિલાલ અહમદના વખાણ કરવામાં આવી રહ્યા હતા. તેઓ ભારતીય સેના સાથે જોડાયેલા છે અને ડીલ કરતી વખતે તેમનું મહત્વનું યોગદાન રહેલું છે. 

ભારતની ધરતી પર આવી પહોંચ્યા વિમાન

જેની આતુરતાથી જોવાઇ રહી હતી રાહ તેવા રાફેલ વિમાનોએ ભારતમાં પ્રવેશ કર્યો છે. ઉલ્લેખનીય છે કે, આ વિમાનો ફ્રાન્સથી 2 દિવસ પહેલા ઉડાન ભરી હતી અને આજે ભારત ખાતે આવી પહોંચ્યા હતા.

7 હજાર કિલોમીટરનું અંતર કાપીને આ રાફેલ વિમાન આવ્યા 

ઉલ્લેખનીય છે કે, તેમણે UAE ખાતે વિરામ લીધો હતો અને ત્યારબાદ આજે ભારતના અંબાલા એરબેઝ ખાતે ઉતરાણ કર્યું હતું. અંબાલા એરબેઝ પર પહોંચતા જ તેમને વોટર સેલ્યૂટ આપવામાં આવશે. નોંધનીય છે કે, 7 હજાર કિલોમીટરનું અંતર કાપીને આ રાફેલ વિમાન ભારતની ધરતી પર ઉતર્યું હતું. 

રાજનાથ સિંહે આપી માહિતી 

ભારતની ધરતી પર રાફેલે ઉતરાણ કર્યું હોવાની માહિતી દેશના સંરક્ષણ મંત્રી રાજનાથ સિંહે ટ્વીટ કરીને આપી હતી. રાજનાથ સિંહે લખ્યું કે, 5 રાફેલ વિમાનનું સુરક્ષિત રીતે લેન્ડિંગ કર્યું છે. દેશમાં એક નવા યુગની શરૂઆત થઇ છે. 

એક કલાકમાં 1 હજાર 915 કિમીની સ્પીડે ઉડાન ભરી શકે રાફેલ

એક કલાકમાં 1 હજાર 915 કિમીની સ્પીડે ઉડાન ભરી શકે છે. જ્યારે પાકિસ્તાનનું F-16 અને ચીનનું J-20 સ્પીડમાં રાફેલ કરતા આગળ છે. રાફેલ 15 હજાર 235 મીટરની ઉંચાઈએ ઉડી શકે છે. જ્યારે F-16 15240 અને ચીનનું J-20 18 હજાર મીટરની ઉંચાઈ ઉડી શકે છે. રાફેલ રેટ ઓફ ક્લાઈંબ એટલે કે પ્રતિ મિનિટમાં 18 હજાર 288 મીટરની ઉંચાઈએ પહોંચી શકે છે. જ્યારે F-16 15 હજાર 240 અને J-20 18 હજાર 288 મીટરની ઉંચાઈએ પહોંચી શકે છે. 

રાફેલને રડાર ક્રોસ સેક્શન અને ઈન્ફ્રારેડ સિગ્નેચર સાથે ડિઝાઈન કરાયું છે. જેમાં ગ્લાસ કોકપિટ છે. સાથે જ એક કમ્પ્યૂટર સિસ્ટમ છે. જે પાયલટને કમાન્ડ અને કંટ્રોલ કરવામાં મદદ કરે છે. જેમાં M88-2 આગમેંટેડ એન્જિન લાગેલા છે.

1 મિનિટમાં 60 હજાર ફૂટની ઉડાન

રાફેલમાં એક એડવાન્સ એવિયોનિક્સ સૂટ પણ છે. રાફેલમાં લગાવાયેલું રડાર, ઈલેક્ટ્રોનિક કમ્યુનિકેશન સિસ્ટમ અને સેલ્ફ પ્રોટેક્શન ઈક્વિપમેન્ટનની કિંમત સમગ્ર વિમાન કરતા 30 ટકા છે. રાફેલ એક મિનિટમાં 60 હજારની ફૂટની ઉંચાઈએ ઉડી શકે છે. સાથે 24 હજાર 500 કિલો વજન લઈ જવામાં સક્ષમ છે. રાફેલની વિઝિબિલિટી 360 ડિગ્રી છે. જેની મદદથી ચારેય તરફ નજર રાખી શકાય છે.