દિલ્હી: રાફેલ ડીલ મુદ્દે દસોના CEO એરિક ટ્રેપિયરના નિવેદન બાદ રાહુલ ગાંધીએ ટ્વીટ કરીને પીએમ મોદીને નિશાને લીધા. રાહુલ ગાંધીએ ટ્વીટ કરીને લખ્યું કે સુપ્રીમ કોર્ટમાં મોદીજીએ પોતાની ચોરી કબૂલી છે.
સોગંદનામામાં પણ તેઓએ સ્વીકાર કર્યો કે વાયુસેનાને પૂછ્યા વગર કોન્ટ્રાક્ટ બદલી દેવાયો અને રૂ. 30 હજાર કરોડ અંબાણીના ખિસ્સામાં પિક્ચર અભી બાકી હૈ મેરે દોસ્ત..
सुप्रीम कोर्ट में मोदीजी ने मानी अपनी चोरी।
हलफ़नामे में माना कि उन्होंने बिना वायुसेना से पूछे कांट्रैक्ट बदला और 30 000 करोड़ रूपया अंबानी की जेब में डाला।
ઉલ્લેખનીય છે કે CEO એરિક ટ્રેપિયરે રાફેલ ડીલ મુદ્દે નિવેદન આપ્યું છે કે અંબાણીની કંપનીને અમે ખુદ પસંદ કરી છે. અમારી પાસે રિલાયન્સ સિવાય 30 પાર્ટનર પહેલેથી જ હતા. ભારતીય વાયુસેના પણ ડીલનું સમર્થન કરી રહી છે. ત્યારે આ નિવેદન બાદ રાહુલ ગાંધીએ ટ્વીટ કરીને પીએમ મોદીને નિશાને લીધા છે.
આપને જણાવી દઇએ કે થોડા સમય પહેલા દસો એવિએશનના CEO એરિક ટ્રેપિયરે કહ્યું કે રિલાયન્ય ગ્રૂપ સાથે અમારો વર્ષ 2012થી સંબંધ છે. અમારી કંપની રાફેલ ડીલ મુદ્દે કોઈ પણ તપાસ માટે તૈયાર છે. તેઓએ દાવો કર્યો છે કે આ ડીલમાં કોઈ પણ જાતનો ભ્રષ્ટાચાર થયો નથી અને ભારત કે ફ્રાંસમાં ક્યાંય પણ તપાસ કરો અમે તપાસ બાદ સાબિત કરી દઈશું.