સુપ્રીમ કોર્ટે રાફેલ મામલે બીજી વખત સુનાવણી માટે આદેશ આપ્યો છે. રાફેલ મામલે સુનાવણી કરતાં સુપ્રીમ કોર્ટે કેન્દ્ર સરકારની દલીલને નામંજૂર કરી દીધી છે.
રાફેલ મામલે સુપ્રીમ કોર્ટમાંથી કેન્દ્ર સરકારને ઝટકો લાગ્યો છે. સુપ્રીમ કોર્ટે રાફેલ મામલે બીજી વખત સુનાવણી માટે આદેશ આપ્યો છે. રાફેલ મામલે સુનાવણી કરતાં સુપ્રીમ કોર્ટે કેન્દ્ર સરકારની દલીલને નામંજૂર કરી દીધી છે. સુપ્રીમ કોર્ટે રક્ષા મંત્રાલયથી લીક થયેલા દસ્તાવેજની વિશ્વસનીયતા મંજૂર રાખી છે. ઉલ્લેખનીય છે કે કેન્દ્રની મોદી સરકાર રાફેલ મુદ્દે વિપક્ષી દળના નિશાન પર છે.
ઉલ્લેખનીય છે કે કેન્દ્રની મોદી સરકાર રાફેલ મુદ્દે વિપક્ષી દળના નિશાન પર છે. રાફેલ ડિલ મામલે ફરી સુનાવણી માટે સુપ્રીમ કોર્ટે મંજૂરી આપી છે. સુપ્રીમ કોર્ટે પુનર્વિચાર અરજી પર સુનાવણી માટે પુરાવાને લઇને ત્રણ દસ્તાવેજોને સ્વીકાર કરી લીધા છે. આ અગાઉ 14 ડિસેમ્બરે આપેલા પોતાના ચુકાદામાં સુપ્રીમ કોર્ટે સરકારને ક્લિનચીટ આપતાં ફ્રાંસ પાસેથી 36 વિમાનની ખરીદી પ્રક્રિયામાં તપાસના આદેશની મંજૂરી આપી નહોતી.
લીક થયેલા દસ્તાવેજને પણ સુપ્રીમ કોર્ટ ધ્યાનમાં લેશે. સુપ્રીમ કોર્ટમાં રાફેલ મામલાની સુનાવણી ચીફ જસ્ટિસ રંજન ગોગાઇની અધ્યક્ષતાવાળી ખંડપીઠ કરી રહી છે. સુપ્રીમ કોર્ટે 14 માર્ચના રોજ આ મામલે સુરક્ષિત રાખ્યો હતો.
આમ સુપ્રીમ કોર્ટે કેન્દ્ર સરકારના રાફેલના દસ્તાવેજને લઇની દર્શાવેલી આપત્તિને નામંજૂર કરી દીધી છે. કેન્દ્ર સરકારે દસ્તાવેજ રાખવાને લઇને સવાલ ઉઠાવ્યા હતા. જેને લઇને સુપ્રીમ કોર્ટે જણાવ્યું છે કે જે દસ્તાવેજ કોર્ટમાં રાખવામાં આવ્યા છે તે માન્ય છે.