VIDEO / નડાલે પોતાના જ નાક પર માર્યું રેકેટ, એટલું લોહી નીકળ્યું કે મેચ અધવચ્ચે રોકવી પડી

• સ્પેનનાં ટેનીસ સ્ટાર નડાલે યૂએસ ઓપનમાં પોતાના બીજા રાઉન્ડમાં જીત મેળવી 
• પોતાના જ રેકેટથી નાક પર થઇ ઈજા 
• મજાકમાં લીધી નડાલે આ ઘટના 

સ્પેનનાં ટેનીસ સ્ટાર નડાલે યૂએસ ઓપનમાં પોતાના બીજા રાઉન્ડમાં જીત મેળવી

સ્પેનના ટેનીસ સ્ટાર રાફેલ નડાલની આજકાલ યૂએસ ઓપન 2022માં શાનદાર સફર ચાલી રહી છે. તેમણે બીજા રાઉન્ડમાં શાનદાર જીત મેળવી છે. પરંતુ આ દરમિયાન એક દુર્ઘટનાનાં તેઓ શિકાર બન્યા હતા. આ કારણે તેમના નાક પર ઈજા પહોંચી છે. 

નડાલ શુક્રવારે વર્ષના છેલ્લા ગ્રાંડ ટૂર્નામેન્ટ યૂએસ ઓપનમાં બીજો રાઉન્ડ રમવા ઉતર્યા હતા. તેમનો સામનો ઇટલીનાં ફેબિયો ફોગનીની સાથે થયો હતો. આ મેચમાં ભૂલથી નડાલનું રેકેટ પોતાના જ નાક પર વાગી ગયું, જેથી નાકમાંથી લોહી વહેવા લાગ્યું. 

Rafael Nadal had himself a self-inflicted mishap on the court that led him to a bleeding nose 😲

(via @usopen)pic.twitter.com/I82bEL721A

— ClutchPoints (@ClutchPointsApp) September 2, 2022

ચાર સેટ સુધી ચાલેલી મેચમાં નડાલે જીત મેળવી 
નડાલને જ્યારે ઈજા થઇ, ત્યારે તેમણે લગભગ મેચ જીતી જ લીધી હતી. નડાલે પહેલો સેટ 2-6થી ગુમાવ્યો હતો. ત્યાર બાદ બીજા ત્રણ સેટમાં વાપસી કરી અને 6-4, 6-2, 6-1થી ત્રણ સેટ જીત્યા બાદ મેચ પોતાના નામે કરી. 

આ દરમિયાન ચોથા સેટમાં ભૂલથી તેમણે એક શોટ બચાવવાના પ્રયાસમાં પોતાના જ રેકેટથી નાક પર ઈજા પહોંચાડી. આ કારણે નાકમાંથી લોહી પણ વહેવા લાગ્યું હતું. કોર્ટમાં નડાલનાં નાકને સારવાર પણ આપવામાં આવી. ત્યાર બાદ તેમણે ચોથો સેટ પણ રમ્યો અને જીત્યો. 

મેચ બાદ નડાલે ઘટનાને મજાકમાં લીધી 
નડાલ આ સમયે દુનિયામાં સૌથી વધારે 22 વાર સ્લેમ ખિતાબ જીતનાર પ્લેયર છે. આર્થર એસ સ્ટેડીયમમાં આ ઘટનાથી અજીબ સ્થિતિ બની ગઈ હતી અને લગભગ 5 મિનીટ સુધી રમત અટકાવવામાં આવી હતી. નડાલે તરત જ બંને હાથોથી પોતાનું મોં ઢાંકી દીધું અને મેચ બાદ આ ઘટનાને લઈને મજાકનાં અંદાજમાં જ વાત કરી. 

નડાલને પૂછવામાં આવ્યું કે શું આ પહેલા પણ તેમની સાથે આવી ઘટના બની ચુકી છે, તેમણે મજાકમાં કહ્યું કે ગોલ્ફ કોર્સમાં આવું થયું હતું, પપન ટેનીસ રેકેટથી પહેલા આવું ક્યારેય નથી થયું. શરૂઆતમાં મને ચક્કર જેવું આવ્યું. ત્યારે થોડો દુખાવો પણ થઇ રહ્યો હતો.