સફળતા / નૌસેનાની તાકાત વધશે, Rafale-M એરક્રાફ્ટના સમુદ્ર સંસ્કરણનું સફળ પરીક્ષણ, અહીં કરવામાં આવશે તૈનાતી

• રાફેલ-M વિમાનના સમુદ્ર સંસ્કરણનું પરીક્ષણ
• INS વિક્રાંત પર રાફેલની કરાશે તૈનાતી
• ગોવામાં કરાયું સફળ પરીક્ષણ

નૌસેનાની તાકતમાં વધારો થવા જઇ રહ્યો છે. દુશ્મનોના દાંત ખાટા કરવા હવે વધુ એક લડાકુ વિમાન નૌસેનામાં સામેલ થવા જઇ રહ્યુ છે. રાફેલ લડાકુ વિમાન વિશે આપણે સૌ જાણીએ છીએ ત્યારે હવે આ વિમાનની નૌસેનામાં સમાવેશ કરવાની તૈયારીઓ થઇ ગઇ છે.ફ્રાંસનું લડાકુ વિમાન રાફેલનું (રાફેલ-એમ) ગોવામાં સફળતાપૂર્વક પરીક્ષણ કરવામાં આવ્યું. રાફેલ-M વિમાનના સમુદ્ર સંસ્કરણનું પરીક્ષણ કરવામાં આવ્યુ હતું. ફ્રાન્સના રાજદૂત એમેન્યુઅલ લેનનના જણાવ્યા અનુસાર, વર્તમાન પરીક્ષણમાં,Rafale-M ની ઉડાન ક્ષમતાનું પરીક્ષણ કરવામાં આવ્યું હતું જેમાં આ એરક્રાફ્ટ તે સંપૂર્ણ રીતે ખરુ ઉતર્યુ હતું,

INS વિક્રાંત પર રાફેલની કરાશે તૈનાતી

નૌસેના ઑગષ્ટ સુધીમાં INS વિક્રાંત પર Rafale-Mની તૈનાતી કરવાની તૈયારી કરી રહ્યા છે. પરીક્ષણ દરમિયાન રાફેલને INS જેવા માહોલમાં જ ઉડાડવામાં આવ્યું હતું. Rafale-Mને અમેરિકન ફાઈટર એરક્રાફ્ટ સુપર હોર્નેટ સાથે સ્પર્ધામાં જોવામાં આવી રહ્યું છે. નૌકાદળ આમાંથી કોઈ એકની ખરીદી પર વિચાર કરી રહી છે.

INS હંસા પર 12 દિવસ સુધી કરાયું પરીક્ષણ

ફ્રાન્સના રાજદૂતે કહ્યું કે ગયા મહિને 12 દિવસ સુધી ગોવામાં INS હંસા પર  Rafale-Mનું પરીક્ષણ કરવામાં આવ્યું હતું. જેમાં એરક્રાફ્ટને નાના રનઅપ સાથે ઉડાન ભરવાની હતી અને Rafale-Mએ તે સફળતાપૂર્વક પૂર્ણ કરી બતાવ્યું.  નૌકાદળ એવા ફાઈટર પ્લેનની શોધમાં છે જે પરમાણુ શસ્ત્રો સાથે ઉડી શકે અને હવાથી હવામાં અને હવાથી  જમીન પરની મિસાઈલો લઈ જવા માટે સક્ષમ હોય. નેવી શરૂઆતમાં આવા 26 ફાઈટર જેટ ખરીદશે.