આ નશાખોર યુવક ઘંટાઘર ચારરસ્તા પર નવા બનેલા ટાવર ઉપર ચઢી નાચવા લાગ્યો હતો, હાલ તેનો વિડીયો સોશ્યલ મીડિયા પર વાયરલ થઈ રહ્યો છે.
પીધેલ વ્યક્તિ ટાવરના ગુંબજ પર ચઢી નાચવા લાગ્યો
અચાનક એ વ્યક્તિ નાચ-ગાન કરવાનું છોડીને યોગા કરવા લાગ્યો હતો
ફાયર બ્રિગેડની ટીમ એ ઉતાર્યો નીચે
શનિવારે ઉત્તર પ્રદેશના રાયબરેલી જિલ્લાના કોતવાલી શહેરના ભીડભાડવાળા વિસ્તાર ઘંટાઘરમાં એક નશાખોરે લોકોને સ્તબ્ધ કરી દીધા હતા. આ નશાખોર યુવક ઘંટાઘર ચારરસ્તા પર નવા બનેલા ટાવર ઉપર ચઢી ગયો હતો અને ત્યાં એવી હરકત કરવા લાગ્યો કે લોકો ચોંકી ગયા. આ સમગ્ર ઘટના વીડિયો કેમેરામાં કેદ થઈ ગયો હતો અને હાલ એ સોશ્યલ મીડિયા પર વાયરલ થઈ રહ્યો છે.
વિડીયો વાયરલ
બન્યું એવું કે ટાવરની ઊંચાઈ અને વ્યસ્ત ભીડભાડવાળા વિસ્તારને કારણે પહેલા કોઈએ વ્યક્તિ તરફ ધ્યાન આપ્યું ન હતું પણ થોડા સમય પછી એ પીધેલ વ્યક્તિ ટાવરના ગુંબજ પર ચઢ્યો અને જોર જોરથી ગાતા અને નાચવા લાગ્યો હતો જે જોઈને લોકો સ્તબ્ધ થઈ ગયા હતા. જો કે થોડા જ સમયમાં એ દારૂડિયાનો આ હાઈવોલ્ટેજ ડ્રામા જોવા માટે લોકોની ભારે ભીડ ઉમટી પડી હતી અને એ પછી લોકો તેને ક્લોક ટાવર પરથી નીચે ઉતરવાની અપીલ કરતા રહ્યા પણ એ તો પોતાની ધૂનમાં મગન હતો. અચાનક એ વ્યક્તિ નાચ-ગાન કરવાનું છોડીને યોગા કરવા લાગ્યો હતો.
@raebarelipolice@Uppolice@Igrangelucknow रायबरेली- मानसिक रूप से विक्षिप्त युवक का हाइबोल्टेज ड्रामा, घंटा घर चौराहे पर पिलर में चढ़ कर घण्टो किया हाइबोल्टेज ड्रामा, राहगीरों के साथ साथ पुलिस प्रशासन परेशान,शहर कोतवाली क्षेत्र के घण्टाघर चौराहे की घटना। pic.twitter.com/2jWSS58aBM
ફાયર બ્રિગેડની ટીમ એ ઉતાર્યો નીચે
લાંબો સમય થવા છતાં યુવક નીચે આવવા તૈયાર ન થતાં આ અંગેની જાણ પોલીસને કરી અને એ પછી ફાયર બ્રિગેડને તાત્કાલિક બોલાવવામાં આવી હતી. કોતવાલી પોલીસની દેખરેખ હેઠળ યુવકને નીચે લાવવા માટે રેસ્ક્યુ ઓપરેશન હાથ ધરવામાં આવ્યું હતું. લાંબા સમયની જહેમત બાદ તેને નીચે ઉતાર્યો હતો. ડ્રગ એડિક્ટને જિલ્લા હોસ્પિટલમાં દાખલ કરવામાં આવ્યો છે.