બોલિવુડની એક્ટ્રેસ રાધિકા આપ્ટેની ફિલ્મ 'પેડમેન' ઓડિયન્સે ખૂબ જ પસંદ કરી હતી. ઓડિયન્સની સાથે તેની નિંદા કરતા લોકોએ પણ આ ફિલ્મના ઘણા વખાણ કર્યા હતા. આટલું જ નહી ફિલ્મમાં પહેલી વખત બિલકુલ અલગ અંદાજમાં કરેલી રાધિકાની એક્ટિંગના ઘણાં વખાણ થઈ રહ્યા છે.
તાજેતરમાં જ રાધિકા આપ્ટે નેહા ધૂપિયાના ચેટ શોમાં પહોંચી હતી. જ્યાં તેણે પોતાની સાથે થયેલો ખરાબ એક્સપિરિયન્સ શૅર કર્યો હતો. તેણે તે સમયની વાત કરી જ્યારે તે તમિલ ફિલ્મો કરતી હતી.
રાધિકાએ કહ્યું “સેટ પર મારો પહેલો દિવસ હતો અને જાણીતા એક્ટરે મારા પગ પર ગલપચી કરવાનું શરુ કર્યું. હું આશ્ચર્યમાં પડી ગઈ કારણ કે અમે પહેલા ક્યારેય નહોતા મળ્યા અને મે તે જ સમયે તેમને થપ્પડ મારી દીધી.”
તમને જણાવી દઇએ રાધિકા સોશ્યલ મીડિયા પર ખૂબ જ એક્ટિવ રહે છે અને પોતાના ફેન્સની સાથે ફોટો-વીડિયો શેર કરતી રહે છે. પાછલા દિવસોમાં તે એક ફોટોના કારણે ચર્ચામાં આવી ગઈ હતી જેમાં તે દરિયા કિનારે બિકિની પહેરીને હાથમાં બિયરનો ગ્લાસ પકડેલી દેખાઈ. આ ફોટોમાં તેની સાથે તેનો એક વિદેશી ફ્રેન્ડ પણ દેખાયો હતો.
આ ફોટો સામે આવ્યા પછી તેને ઘણાં લોકોએ નિશાના પર લીધી હતી. જ્યારે કેટલાક લોકોએ સારી કમેન્ટ્સ પણ કરી હતી. તો કેટલાક તેના પર વાંધાજનક કમેન્ટ કરી હતી અને સારા કપડાં પહેરવાની સલાહ પણ આપી દીધી હતી.