રાધનપુર ભાજપના ઉમેદવાર લવીંગજી ઠાકોરનો બફાટ; મારી છેલ્લી ચૂંટણી છે, સામે કોઈ ખોટું ન કરે તેનું ધ્યાન રાખજો અને આપણે થાય એટલું કરજો
રાધનપુર ભાજપના ઉમેદવાર લવીંગજી ઠાકોરનો બફાટ
મતદાન વખતે જેટલું ખોટું કરવું હોય એટલું કરજો: લવીંગજી
એજન્ટ એવા રાખજો કે સામે કોઈ ખોટું ન કરે: લવીંગજી
ગુજરાત વિધાનસભાની ચૂંટણીના લઈ રાજકીય પક્ષોના પ્રચારના પડઘમ શાંત થયા છે. ભાજપ-કોંગ્રેસ, આમ આદમી પાર્ટી સહિત તમામ રાજકીય પાર્ટીના દિગ્ગજ નેતાઓ અને ઉમેદવારો જાહેર સભાઓ, રેલીઓ, ગજવીને છેલ્લી ઘડી સુધીના પ્રચાર માટે એડીચોટીનું જોર લગાવીને મતદારોને રીઝવવા માટે પ્રયાસો કર્યા બાદ હવે ચૂંટણી પ્રચારની મુદત પૂરી થઇ છે. બીજા તબક્કાનું મતદાન 5મી ડિસેમ્બરે થવાનું છે. જેમાં 14 જિલ્લાની 93 બેઠક પર મતદાન પ્રક્રિયા યોજાશે. પરંતુ પ્રચારની છેલ્લી ઘડીએ પણ નેતાઓ બફાટ કરવાના જરા પણ ચુકતા નથી. રાધનપુર ભાજપના ઉમેદવાર લવીંગજી ઠાકોરનો બફાટ સામે આવ્યો છે. જુઓ વીડિયો
લવીંગજી ઠાકોરનો જાહેર સભામાં બફાટ
રાધનપુર ભાજપના ઉમેદવાર લવીંગજી ઠાકોરનો બફાટ સામે આવ્યો છે. તેમણે જણાવ્યું કે, મતદાન વખતે જેટલું ખોટું કરવું હોય એટલું કરજો તમણે કહ્યું કે, આ મારી છેલ્લી ચૂંટણી છે અને તમારી અને મારી બન્નેની ભેગી આબરૂ છે તેમણે જણાવ્યું કે, એજન્ટ એવા રાખજો કે સામે કોઈ ખોટું ન કરે અને આપણે જેટલું કરવું હોય એટલું કરજો. જે વીડિયોને લઈ ભારે ચર્ચા ચાલી રહી છે.