રાધાકિશન દામાણીના કરિયરની શરૂઆત શેરબજારમાં એક રોકાણકાર તરીકે થઈ હતી પરંતુ એક આઇડિયાએ તેમની કિસ્મત બદલી નાંખી. આ આઇડિયાની મદદથી માત્ર 24 જ કલાકમાં તેમની પ્રોપર્ટી 100 ટકા વધી ગઈ. હવે સમાચાર સામે આવી રહ્યા છે કે તેમણે મુંબઈના માલબાર હિલ્સમાં એક આલીશાન ઘર ખરીઢયું છે, અને તેની કિમત 1001 કરોડ રૂપિયા હોવાનો દાવો છે.
કઈ રીતે થઈ કરિયરની શરૂઆત
દામાણીએ શરૂઆતના દિવસોમાં બોલ-બેરિંગનો બિઝનેસ શરૂ કર્યો હતો પરંતુ નુકસાનના કારણે તે બંધ કરી દેવાની નોબત આવી. પિતાના મૃત્યુ બાદ તેમણે ભાઈ સાથે સ્ટોક માર્કેટમાં કામ શરૂ કરાયું અને તે માટે નાની કંપનીઓમાં રોકાણ શરૂ કર્યું. 1990 સુધીમાં શેર બજારથી તેમણે કરોડો રૂપિયાની કમાણી કરી નાંખી. પછી તેમણે રિટેલના બિઝનેસમાં ઝંપલાવી દેવાનો નિર્ણય કર્યો અને આજે તેમના કંપનીની વેલ્યૂ આશરે 1.88 લાખ કરોડ રૂપિયા છે.
એક આઇડિયાથી રાતોરાત વધી ગઈ સંપત્તિ
D-MART કંપનીનો IPO વર્ષ 2017માં આવ્યો હતી. 20 માર્ચ 2017 સુધી તેઓ માત્ર એક રિટેલ કંપનીના માલિક હતા પણ જેવી 21 માર્ચના રોજ બોમ્બે સ્ટોક એકચેન્જમાં ઘંટી વાગી, તેમની સંપત્તિ 100 ટકા વધી ગઈ. 21 માર્ચના રોજ સવારે જ્યારે દામાણીની કંપનીનો IPO શેર બજારમાં લિસ્ટ થયો તેમની સંપત્તિમાં જોરદાર ઉછાળો જોવા મળ્યો. ડિમાર્ટનો શેર 604.40 રૂપિયા પર લિસ્ટ થયું, જોકે તેની ઇશ્યૂ પ્રાઇસ હતી 299રૂ. આમ 102 ટકા રિટર્ન શેર પર મળ્યો. 13 વર્ષમાં કોઈ પણ શેરની કિંમતમાં આવો ઉછાળો થયો ન હતો.
નોંધનીય છે કે દામાણીની અમુક ખાસિયત પણ છે. તેઓ હંમેશા સફેદ કપડાં જ પહેરે છે. શેર બજારના રોકાણકારો મિસ્ટર વ્હાઇટ એન્ડ વ્હાઇટના નામથી ઓળખાય છે.
દામાણી શેર બજારને લઈને આપે છે આ સલાહ
દામાણી શેર બજારને લઈને સલાહ આપે છે કે હંમેશા કંપનીના દેવાની સ્થિતિને ચેક કરો. કોઈ પણ શેરમાં ઓછા સમય માટે પૈસા લગાવવાથી બચો. કોઈ પણ એક સેક્ટરની જગ્યાએ બધા જ સેક્ટરના સારા શેર પર નજર રાખો. શેર ખરીદતા પહેલા નક્કી કરો કે તેને ક્યારે વેચવામાં આવે. આ વાત પર વધારે સમય આપવો જોઈએ. બજારમાં આવતા પહેલા નક્કી જરૂર કરી લો કે તમારે કેટલી રકમ સાથે રોકાણ કરવાનું છે.