ક્રિકેટ / ઈંગ્લેન્ડ ક્રિકેટમાં જાતિવાદ ખૂબ અંદર સુધી ફેલાયેલો છે, જેને રોકવા ક્રિકેટરો માટે આ કોર્સ લાગુ કરાશે

• ખેલાડીઓને જાતિવાદ નિરોધક પ્રશિક્ષણ અપાશે
• 45 ટકાએ કહ્યું કે તેમનાં સાથી ખેલાડીઓ જાતિવાદની ટિપ્પણી કરે છે
• જાતિવાદ અંગે જાગૃતિ લાવવાથી પરિસ્થિતિમાં સુધાર આવી શકશે 

અસ્વીકાર્ય બાબતો પર વિરોધ કરવાનું પ્રોત્સાહન અપાશે
ઈંગ્લેન્ડ ક્રિકેટ બોર્ડમાં જોવા મળી રહેલા જાતિવાદનાં ભેદનાં ખુલાસા બાદ ઈંગ્લિશ ક્રિકેટ બોર્ડે તેની ગંભીરતાને ધ્યાનમાં રાખીને મહિલા અને પુરુષ ક્રિકેટરો માટે જાતિવાદ નિરોધક પ્રશિક્ષણ કોર્સ શરુ કરવાનો નિર્ણય લીધો છે. એક રિપોર્ટ અનુસાર આ કોર્સનાં પાઠ્યક્રમોમાં ડ્રેસિંગ રુમ કલ્ચર, અલગ અલગ સંસ્કૃતિઓમાંથી આવતા લોકો સાથે કેવું વર્તન કરવું અને અસ્વીકાર્ય બાબતો પર વિરોધ કરવા અંગે પ્રોત્સાહન આપવાની વાત મુકવામાં આવી છે.
પ્રશંસકો પણ જાતિવાદની ટિપ્પણીઓ કરતા હોય છે
પ્રોફેશનલ ક્રિકેટર એસોસિયેશન દ્વારા કરવામાં આવેલ સર્વેમાં 600 સભ્યોમાંથી 45 ટકાએ કહ્યું કે તેમનાં સાથી ખેલાડીઓએ જાતિવાદી ટિપ્પણી કરી. દસ ટકાએ કોચ પર આરોપ લગાવ્યા છે જ્યારે 30 ટકાએ સોશિયલ મીડિયા પર પ્રશંસકો પર આરોપો મુક્યા હતા. સર્વેમાં ભાગ લેનાર ખેલાડીઓમાંથી 62 ટકા લોકોનું માનવું છે કે જાતિવાદી અંગે જાગૃતિ લાવવાથીજ પરિસ્થિતિમાં સુધાર જણાશે.
દરેક સ્પોર્ટ્સમાં જાતિવાદ અંગે પૂર્વાગ્રહ જોવા મળે છે
ઉલ્લેખનીય છે કે ખેલાડીઓમાં જાતિવાત અંગે પૂર્વાગ્રહ રાખવાની ઘટના દરેક પ્રકારનાં સ્પોર્ટ્સમાં જોવા મળે છે, અમુકમાં નાના પ્રમાણમાં જોવા મળે છે જ્યારે ઘણી જગ્યાએ જાતિવાદનો સડો ખૂબ ઉંડો જોવા મળે છે. જ્યારે ઈંગ્લિશ ક્રિકેટ દ્વારા ખેલાડીઓ માટે કોર્સ શરુ કરવાનો નિર્ણય સરાહનીય કહી શકાય.